पंतप्रधान नरेंद्र मोदी यांनी गुजरातमधील कच्छ येथे भारताच्या सशस्त्र दलाच्या जवानांसोबत साजरी केली दिवाळी

गोवा खबर : पंतप्रधान नरेंद्र मोदी यांनी गुजरातमधील कच्छच्या खाडी क्षेत्रातल्या लक्की नाला इथे सीमा सुरक्षा दल, लष्कर, नौदल आणि हवाई दलाच्या शूर जवानांसोबत दिवाळीचा सण साजरा केला.

अत्यंत दुर्गम ठिकाणी धैर्याने तैनात राहून आपले रक्षण करणाऱ्या आपल्या सुरक्षा जवानांचा अभिमान वाटत असल्याचे पंतप्रधान नरेंद्र मोदी यावेळी म्हणाले. कच्छमधील खाडी क्षेत्रातले तापमान अत्यंत तीव्र असते, त्यामुळेच हा भाग आव्हानात्मक आणि दुर्गमही आहे. अशातच इथे पर्यावरण विषयक इतरही आव्हानांचा सामना करावा लागत असल्याचेही पंतप्रधानांनी यावेळी नमूद केले.

यावेळी पंतप्रधान नरेंद्र मोदी यांनी या खाडी क्षेत्रातील एका तरंगत्या सीमा चौकीलाही (Floating Border Outposts – BOPs) प्रत्यक्ष भेट दिली आणि तिथल्या शूर सुरक्षा जवानांना मिठाईचे वाटप केले.