काणकोण तालुक्यातील दापोली धरणावर होणार इको टुरिझम प्रकल्प 

यावेळी  बोलताना रमेश तवडकर यांनी सांगितले की काणकोण विजन

अंतर्गत आपण विविध प्रकल्प हाती घेतले आहेत. दापोली धरण हे एका बाजूला पश्चिम घाट आणि दुसऱ्या बाजूला समुद्र परिसरामध्ये असल्यामुळे अत्यंत रमणीय आणि सुंदर असे ठिकाण आहे . या धरण परिसरामध्ये  १ लाख ३६ हजार चौ.मी.  जमीन रुपांतरीत केलेली आहेत. त्या जागेतील काही जागेत

इको टुरिझम प्रकल्प व्हावा यासाठी आपण वन विकास महामंडळाच्या अध्यक्ष डॉ. दिव्या राणे यांना सूचना केल्यानंतर गेल्या अनेक दिवसांत मध्ये सक्रियपणे काम करणाऱ्या डॉ. राणे यांनी या प्रकल्पाच्या जागेची  पाहणी करण्यासाठी आज या ठिकाणी भेट दिलेली आहे. इको टुरिझम ला प्राधान्य देऊन दापोली काणकोण परिसरात मोठ्या प्रमाणात पर्यटक यावेत यासाठी आपले प्रयत्न असल्याचे सांगून या प्रकल्पाबाबत  डॉ. राणे  व आपले एकमत झाल्याचे तवडकर यांनी सांगितले.  हा भाग आदिवासी भाग आहे. येथे सुंदर प्रकल्प व्हावा आणि या भागाचा विकास व्हावा असे आपले धोरण असून या प्रकल्पाच्या माध्यमातून या भागातील विकासासाठी हे पहिले पाऊल ठरू शकते आणि येथे एक युनिक असा प्रकल्प उभा राहू शकतो असेही तवडकर यांनी सांगितले.

 काणकोण तालुक्यामध्ये आपण पहिल्यांदाच आले आहे.  एक सुंदर असा हा निसर्गरम्य परिसर आहे. दापोली धरण परिसरामध्ये जागा रिक्त आहे. या जागेमध्ये इंटर लेंड टुरीझम  अंतर्गत एक इको टुरिझम प्रकल्प उभारून येथे चांगल्या सुविधा उभारल्यास मोठ्या प्रमाणात पर्यटक येथे येतील आणि  या परिसरा सोबतच गावांचा विकास होईल. परिसरातील युवक-युवतींना मोठ्या प्रमाणात रोजगार प्राप्त होतील .असे डॉ. दिव्या राणे यांनी सांगितले .

धरण परिसरामध्ये असलेले  हे ठिकाण फार सुंदर आहे. किनारी भागामध्ये जसे पर्यटक जातात तसेच पर्यटक अशा हिंटरलंड टुरिस्ट   प्रकल्पा अंतर्गत गावागावात यावेत यासाठी आपले वन विकास महामंडळामार्फत प्रयत्न सुरू असल्याचे सांगून येथील शंभर टक्के रोजगार हे स्थानिकांनाच मिळणार असल्याचेही त्यानी सांगितले. अशा प्रकल्पाला स्थानिक नागरिकांनी सक्रियपणे पाठिंबा द्यावा असे आवाहन ही  आमदार डॉ. राणे यांनी यावेळी केले .

यावेळी स्थानिक सरपंच, पंच व नागरिक उपस्थित होते.