बांबोळी येथे ३१ जुलै रोजी ‘बीएनआय रोटरी रेन रन’ चे आयोजन 

 गोवा खबर: लोकप्रिय, रोटरी रेन रनची आठवी आवृत्ती या वर्षी रविवार, ३१ जुलै रोजी गोवा क्रीडा प्राधिकरणाच्या (एसएजी) ऍथलेटिक स्टेडियम, बांबोळी (गोमेकॉ समोर)  येथे होणार आहे. यंदाचा कार्यक्रम बीएनआय गोवा विभागातर्फे सादर केला जात आहे. The run this year too is in aid of woman’s health, education and early cancer detection and cure.

रोटरी क्लब ऑफ पर्वरी (आरसीपी) द्वारे आयोजित या कार्यक्रमात २ किमी, ५ किमी, १०किमी आणि २१ किमी अंतराच्या शर्यती होतील. १० किमी आणि २१ किमी हाफ मॅरेथॉनना वेळेची मर्यादा असणार आहे. ५, १० आणि २१ किमी शर्यतीतील सहभागींना पदक, एक टी-शर्ट आणि नाश्ता मिळेल, तर २ किमी धावणाऱ्या धावपटू आणि चालणाऱ्यांना पदक आणि नाश्ता मिळेल.

२१ किमी धावपटू बांबोळी येथे गोमेकॉसमोर, एसएजी ऍथलेटिक स्टेडियम येथून धावणे सुरू करतील आणि मिरामार समुद्र किनाऱ्यावरील सर्कलपर्यंत जातील व गोवा विद्यापीठाच्या रस्त्याने परततील. इतर श्रेणीतील धावपटू गोमेकॉसमोरील एसएजी ऍथलेटिक स्टेडियमपासून गोवा विद्यापीठ रस्त्यावरील विशिष्ट पॉइंटपर्यंत धावतील आणि प्रारंभ बिंदूवर परततील.

१४  जून रोजी शहरात जारी केलेल्या एका प्रसिद्धी पत्रकात याची कार्यक्रमाची घोषणा करताना, बीएनआय रोटरी रेन रन २०२२ चे अध्यक्ष अविनाश परमार म्हणाले की,दोन वर्षांच्या साथीच्या रोगानंतर आरसीपी प्रत्यक्ष शारीरिक कार्यक्रमात परत आल्याने खूप आनंद झाला.

परमार म्हणाले की आरआरआर २०२२ साठी नोंदणी आधीच सुरू झाली आहे . कार्यक्रमाला स्थानिक धावपटू, बाहेरील धावपटू, सेवा धावपटू आणि गोव्यात तैनात सैन्य आणि नौदलातील व सशस्त्र दलातील कर्मचार्‍यांकडून चांगला प्रतिसाद अपेक्षित आहे.

ऑनलाइन नोंदणी लिंक http://rainrun.rcporvorim.org आहे

गट नोंदणीवर सवलत आहे.