56वो इफ्फी दीस 7 हायलायट्स : मास्टरक्लासात क्रिटिसिज्म, कॉस्ट्यूम डिझायन आनी VFX इनोवेशनाचेर भर

गोवा खबर : 56व्या भारतीय आंतरराष्ट्रीय चित्रपट महोत्सवाच्या 7व्या दिसा तीन प्रभावी मास्टरक्लास आशिल्ले, जातूंत सामुहीकरित्या समकालीन चित्रपट निर्मितीच्या सृजनशील, समीक्षात्मक आनी तंत्रीक आयामांचो आस्पाव आशिल्लो.

बियॉन्ड द थंब – द रोल ऑफ अ फिल्म क्रिटिक

डिजिटल युगांतल्या चित्रपट समिक्षेच्या विकसीत जावपी भुमिकेचेर भासाभास करपा खातीर एका ज़बरदस्त गोलमेज संवादात नामनेचे आंतरराष्ट्रीय समिक्षक एकठांय आयले. सोशल-मीडिया व्यत्यय आनी एआय-निर्मित कंटेंटा मदीं आयज समीक्षक गेटकीपर, प्रभावक आनी सांस्कृतीक मध्यस्थ म्हणून कशे वावुरतात हे विशी ह्या सत्रांत उलोवप जाले. स्वतंत्र आनी पदार्पण करपी चित्रपट निर्मात्यांक आदार दिवपाक विचारशील, विस्वासांत घेवपा सारके रिव्यूज़ म्हत्वाचे हाचेर वक्त्यांनी भर दिलो.

कॉस्ट्यूम और कैरेक्टर आर्क: द ट्रेंडसेटर ऑफ सिनेमा’

हे खोलायेन जाल्लें चर्चेंत वेशभूशेची रचना- पात्राची वळख, भावनीक प्रगती आनी कथात्मक परिणामाक कसो आकार दिता हाचेर भर दिलो. कैरेक्टर आर्क दाखोवपाक , काणयेक अतिरंजीत करपाक आनी सिनेमाच्या प्रवृत्तीचेर प्रभाव घालपाक डिझायनर रंग, पोत आनी शैली कशे वापरतात हाचो उल्लेख हे वेळार तज्ञांनी केलो.

पुराय व्हीएफएक्स निर्मितीची भव्यता – पीट ड्रेप हांचो मास्टरक्लास

व्हीएफएक्सचो मूळ शोधक पीट ड्रेपर हांणी प्री-प्रोडक्शन प्लॅनिंग ते ऑन-सेट एक्झिक्यूशन आनी निमाणें पोस्ट-प्रोडक्शन मेरेन पुराय व्हिज्युअल-इफेक्ट्स प्रक्रिया विसकटावन सांगली आनी एक आकर्शक मास्टरक्लास दिलो. बाहुबली, आरआरआर, ईगा ह्या चित्रपटांतल्यान मेळिल्ल्या अणभवांतल्यान ड्रेपर हांणी वाटो घेवप्यांक व्हड प्रमाणांत सिनेमाचे व्हिज्युअल तयार करपा विशीं दुर्मिळ अंतर्गत गिन्यान आनी वेव्हारीक मार्गदर्शन दिलें.