गोवा खबर: मान्सून काळात राज्यात समुद्रात पोहण्यास बंदी असल्याने, दृष्टी मरीनने आपल्या ४५० हून अधिक लाईफसेव्हर्ससाठी विशेष प्रशिक्षण सत्रांचे आयोजन केले आहे. दृष्टी मरीन दरवर्षी आयोजित केलेल्या या प्रशिक्षणाद्वारे लाईफसेव्हर्सना बचावकार्यातील आवश्यक कौशल्ये अधिक परिपूर्ण करण्याची आणि त्यांना अद्ययावत ठेवण्याची संधी मिळते.
हे प्रशिक्षण सत्र दरवर्षी दोन महिन्यांसाठी आयोजित केले जाते, ज्यामध्ये बचाव तंत्रज्ञानातील अद्यतने, ऑल-टेरेन वाहनांसारख्या नवीन उपकरणांची माहिती, तसेच सॉफ्ट स्किल्स आणि प्राथमिक प्रतिसाद प्रोटोकॉल्सवर शैक्षणिक सत्रांचा समावेश असतो.
प्रशिक्षण ठराविक वेळेत विविध किनाऱ्यांवर घेतले जात असून, त्यासाठी लाईफसेव्हर्सना गटांमध्ये विभागले गेले आहे, जेणेकरून काहीजणांना प्रशिक्षण घेता येते, तर इतर किनाऱ्यांवर लक्ष ठेवतात.
प्रशिक्षणादरम्यान लाइफसेव्हर्सना कठोर फिटनेस निकष पूर्ण करावे लागतात. यात ४०० मीटर ११ मिनिटांत पोहणे, तसेच प्राथमिक उपचार आणि CPR चे प्रशिक्षण यांचा समावेश असतो, कारण आपत्कालीन परिस्थितीत काही मिनिटांत तातडीची मदत पुरवणे अत्यंत महत्त्वाचे असते.
“या वर्षी दृष्टी मरीनचे ४५०+ पुरुष व महिला रिफ्रेशेर प्रशिक्षणात सहभागी झाले होते, यात सीपीआर, प्रथमोपचार, जेट स्की व बचाव उपकरणांचे संचालन आणि विविध बचाव तंत्रांचा समावेश होता,” असे दृष्टी मरीनचे ऑपरेशन्स व प्रशिक्षण महाव्यवस्थापक कर्नल ऑस्टिन कोलासो म्हणाले.
