स्थानिक उद्योजकतेला चालना देण्यासाठी गोवा राज्याकडून स्टार्टअप अ‍ॅक्सिलरेटर प्रोग्रामची घोषणा

गोवा खबर : गोव्यातील उच्च-क्षमता स्टार्टअप्सना सक्षम करण्याच्या उद्देशाने, आयटीई अँड सीचे मंत्री रोहन खंवटे यांनी गोवा स्टार्टअप अ‍ॅक्सिलरेटर प्रोग्रामची घोषणा केली आहे. हा एक मार्गदर्शक-नेतृत्व उपक्रम आहे, जो राज्यभरातील स्टार्टअप्सच्या प्रगतीच्या टप्प्याला समर्थन देण्यासाठी आणि त्यांचा दर्जा वाढविण्यासाठी तयार केलेला आहे.

गोवा सरकारच्या माहिती तंत्रज्ञान, इलेक्ट्रॉनिक्स आणि कम्युनिकेशन्स (डीआयटीई अँड सी) खात्याअंतर्गत असलेल्या स्टार्टअप अँड आयटी प्रमोशन सेलद्वारे हा कार्यक्रम चालवला जाईल.

अ‍ॅक्सिलरेटर प्रोग्राम हा ३० उच्च-क्षमतेच्या स्टार्टअप्सच्या एका गटाला समर्थन देईल, ज्यामध्ये गोव्यात अधिकृतपणे नोंदणीकृत २५ स्टार्टअप्स आणि गोव्यात नोंदणीकृत नसलेले परंतु, गोव्यात कार्यरत असलेले सुमारे ५ स्टार्टअप्स समाविष्ट आहेत. स्थानिक स्टार्टअप्सना त्यांच्या उपक्रमांच्या वाढीसाठी आवश्यक असलेले संरचित मार्गदर्शन आणि बाजारपेठ प्रवेश देऊन, त्यांचा विस्तार करण्यावर हा कार्यक्रम लक्ष केंद्रित करतो. स्टार्टअप्सची निवड ही खुल्या अर्जांच्या आणि इनक्यूबेटर व उद्योग भागीदारांकडून नामांकनांच्या संयोजनाद्वारे केली जाईल. २२ जुलै २०२५ रोजी यासाठी अर्ज उपलब्ध होतील.

एकदा निवड झाल्यानंतर, हे स्टार्टअप्स उत्पादन विकास, तंत्रज्ञान, व्यवसाय विकास, बाजारपेठ प्रवेश आणि निधी संकलन यासारख्या ५ महिन्यांच्या मार्गदर्शन ट्रॅकसह आपल्या प्रवासाला सुरुवात करतील.

या कार्यक्रमात डोमेन तज्ञांकडून मास्टरक्लास, समोरा समोर मार्गदर्शन क्लिनिक समाविष्ट असतील. डेमो डेच्या आयोजनानंतर हा कार्यक्रम समाप्त होईल, ज्यामुळे संस्थापकांना गुंतवणूकदार आणि कॉर्पोरेट्सना पिच करण्याची संधी मिळेल.

गोव्याचा दीर्घकालीन दृष्टिकोन हा एक कनेक्टेड, दृश्यमान आणि परिणाम-चालित स्टार्टअप परिसंस्था तयार करणे आहे, असे माहिती तंत्रज्ञान, इलेक्ट्रॉनिक्स आणि कम्युनिकेशन्स मंत्री रोहन खंवटे यांनी नमूद केले.

स्टार्टअप्सना संरचित, शाश्वत पाठिंबा देण्यासाठी एक-वेळ प्रोत्साहनांच्या पलीकडे जाऊन, आम्ही एक महत्त्वाची कमतरता भरून काढत आहोत,” असे डीआयटीई अँड सीचे संचालक, कबीर शिरगावकर यांनी सांगितले. या कार्यक्रमात वास्तविक वेळेतील प्रगती ट्रॅकिंग, मार्गदर्शक सहभाग आणि परिणाम मापनासाठी डॅशबोर्ड असेल, जो गोव्यातील स्टार्टअप प्रतिभेची सतत विकसित होणारी परिसंस्था तयार करण्यास मदत करेल.

गोवा स्टार्टअप अ‍ॅक्सिलरेटर प्रोग्राम हा नवोन्मेष-चालित उद्योजकता सक्षम करण्यासाठी, नोकऱ्या निर्माण करण्यासाठी आणि स्थानिक प्रभाव वाढवण्यासाठी सरकारच्या व्यापक प्रयत्नांचा एक भाग आहे.

यासाठी २२ जुलै २०२५ रोजी अर्ज उपलब्ध होत असताना, हा कार्यक्रम गोव्याच्या स्टार्टअप कथेतील एक नवीन टप्पा चिन्हांकित करतो. एक असा टप्पा, ज्याचा उद्देश राज्यातील तरुणांना समृद्धी आणि शाश्वत रोजगार निर्माण करणारे बनविण्यासाठी, जलद विकसित होण्याची क्षमता प्रदान करणे, हा आहे.