भारताच्या औद्योगिक उत्पादन निर्देशांकात मार्च 2025 मध्ये 3% वृद्धीची नोंद

गोवा खबर : सुधारित वेळापत्रकानुसार, औद्योगिक उत्पादन निर्देशांकाचा (आयआयपी) त्वरित अंदाज आता दर महिन्याच्या 28 तारखेला (किंवा 28 तारखेला सुट्टी असल्यास पुढील कामकाजाच्या दिवशी) प्रसिद्ध केला जाईल. स्त्रोत एजन्सी ज्या उत्पादक कारखाने/आस्थापनांकडून डेटा प्राप्त करतात, त्यांच्याकडून मिळालेल्या आकडेवारीसह निर्देशांक  संकलित केला जातो.आयआयपीच्या सुधारित धोरणानुसार या त्वरित अंदाजांमध्ये पुढील प्रसिद्धीदरम्यान सुधारणा केल्या जातात.

ठळक वैशिष्ट्ये

1. मार्च 2025 महिन्यासाठी आयआयपी वाढीचा दर 3.0 टक्के आहे जो फेब्रुवारी 2025 मध्ये 2.9 टक्के (त्वरित अंदाज) होता.
2. मार्च 2025 महिन्यासाठी खाणकाम, उत्पादन आणि वीज या तीन क्षेत्रांचा विकास दर अनुक्रमे 0.4 टक्के, 3.0 टक्के आणि 6.3 टक्के आहे.
3. आयआयपीचा त्वरित अंदाज मार्च 2024 मधील 160.0 च्या तुलनेत 164.8 आहे
4. उत्पादन क्षेत्रात, एनआयसी 2 अंकी स्तरावर 23 पैकी 13 उद्योग समूहांनी मार्च 2025 मध्ये मार्च 2024 च्या तुलनेत सकारात्मक वाढ नोंदवली आहे. मार्च 2025 महिन्यासाठी आघाडीचे तीन सकारात्मक योगदानकर्ते आहेत – “मूलभूत धातूंचे उत्पादन” (6.9%), “मोटार वाहने, ट्रेलर आणि सेमी -ट्रेलरचे उत्पादन” (10.3%) आणि “इतर इलेक्ट्रिकल उत्पादन” (15.7%)
5. उद्योग समूहात, “मूलभूत धातूंचे उत्पादन” या उद्योग गटात, “मिश्र पोलाद  स्टीलचे फ्लॅट उत्पादने”, “पोलादी  पाईप्स आणि ट्यूब्स”, “सौम्य पोलाद  बार आणि रॉड्स” या वस्तूंच्या गटांनी वाढीमध्ये महत्त्वपूर्ण योगदान दिले आहे.
6. “मोटार वाहने, ट्रेलर आणि सेमी-ट्रेलरचे उत्पादन” या उद्योग गटात, “वाहन उद्योगातील घटक/सुटे भाग आणि अॅक्सेसरीज”, “अ‍ॅक्सल”, “ट्रक, लॉरी आणि ट्रेलर बॉडीज” या वस्तूंच्या गटांनी वाढीमध्ये महत्त्वपूर्ण योगदान दिले आहे.
7. “विद्युत उपकरणांचे उत्पादन” या उद्योग गटात “इलेक्ट्रिक हीटर्स”, “ट्रान्सफॉर्मर्स लघु)”, “ऑप्टिकल फायबर आणि केबल्ससाठी एंड फेसिंग कनेक्टर” या वस्तूंच्या गटांनी वाढीमध्ये महत्त्वपूर्ण योगदान दिले आहे.
8. वापर आधारित वर्गीकरणानुसार, मार्च 2025 मध्ये प्राथमिक वापराच्या वस्तूंसाठीचा निर्देशांक 168.2, भांडवली वस्तूंसाठी 134.8, मध्यवर्ती वस्तूंसाठी 173.1 आणि पायाभूत / बांधकाम साहित्याचा निर्देशांक 212.3 नोंदवला गेला. याशिवाय ग्राहकोपयोगी वस्तू आणि बिगर ग्राहकोपयोगी वस्तूंचे निर्देशांक अनुक्रमे 138.5 आणि 147.9 नोंदवले गेले.
9. मार्च 2024 च्या तुलनेत मार्च 2025 मध्ये वापर-आधारित वर्गीकरणानुसार आयआयपीचा संबंधित वाढीचा दर प्राथमिक वस्तूंमध्ये 3.1 टक्के, भांडवली वस्तूंमध्ये 2.4 टक्के, मध्यवर्ती  वस्तूंमध्ये 2.3 टक्के, पायाभूत सुविधा/बांधकाम वस्तूंमध्ये 8.8 टक्के, ग्राहकोपयोगी वस्तूंमध्ये 6.6 टक्के आणि कमी कालावधीसाठी वापरल्या जाणाऱ्या ग्राहकोपयोगी वस्तूंमध्ये (-) 4.7 टक्के आहे (स्टेटमेंट III). वापर-आधारित वर्गीकरणाच्या आधारे, मार्च  2025 महिन्यातील आयआयपीच्या वाढीमध्ये आघाडीचे तीन सकारात्मक योगदानकर्ते आहेत – पायाभूत सुविधा/बांधकाम वस्तू, प्राथमिक वस्तू, ग्राहकोपयोगी वस्तू.
10. गेल्या 13 महिन्यांतील आय आय पी चा मासिक निर्देशांक आणि विकास दर (% मध्ये)

मार्च 2025 महिन्याच्या आयआयपीच्या त्वरित अंदाजांसह, डिसेंबर 2024, जानेवारी 2025 आणि फेब्रुवारी 2025 च्या निर्देशांकांमध्ये स्त्रोत एजन्सींकडून प्राप्त झालेला अद्यतनित डेटा पडताळल्यानंतर अंतिम सुधारणा करण्यात आली आहे.