हिंदू जनजागृती समितीच्या वतीने भेंब्रेंविरोधात म्हापसा पोलिसात तक्रार

हिंदू जनजागृती समितीने तक्रारीत म्हटले आहे की, भेंब्रे यांनी राष्ट्रीय नायक आणि आराध्य दैवत छत्रपती शिवाजी महाराज यांच्याविषयी खोटे, निराधार आणि विकृत ऐतिहासिक तथ्ये सादर करून हिंदूंच्या धार्मिक भावना दुखावल्या आहेत. यामुळे सामाजिक सलोखा आणि शांतता यांना धोका पोहोचवून जातीय तणाव वाढवण्याचा हेतुपुरस्सर प्रयत्न करण्यात आला आहे. भेंब्रे यांच्यावर कठोर कायदेशीर कारवाई करून त्यांच्या हेतुपुरस्सर खोट्या प्रचाराला आळा घालावा.

पोलिसात तक्रार दाखल करताना हिंदू जनजागृती समितीच्या शिष्टमंडळामध्ये रमेश नाईक, चंद्रकांत (भाई) पंडित, जयेश थळी, गोविंद चोडणकर, शुभा सावंत आदींचा समावेश होता.