अनुसूचित जमातीतीसाठी  उपलब्ध विद्या लक्ष्मी योजनेच्या लाभार्थ्यांना सूचना

गोवा खबर:आदिवासी कल्याण संचालनालयानालयाच्यावतीने  ‘विद्या लक्ष्मी’ योजनेची अंमलबजावणी करण्यात येते. या योजनेंतर्गत १० ^वी इयत्ता परीक्षा उत्तीर्ण होऊन कोणत्याही शाखेत ११ ^वी इयत्तेत प्रवेश मिळविणाऱ्या अनुसूचित जमातीतील मुलींना २५००० रूपये कायम ठेवीद्वारे दिले जातात. ही रक्कम मुलगी जेंव्हा १२ ^वी इयत्ता बोर्डाची परीक्षा ३ प्रयत्नांत किंवा २ वर्षांच्या पहिल्या प्रयत्नात जे आधी असेल ते तेव्हांच तिला ती रक्कम दिली जाते. १२ वी   परीक्षा उत्तीर्ण प्रमाणपत्र आणि इतर कागदपत्रे सुपूर्द केल्यावर कायम ठेव जारी केली जाते.

दरम्यान २०११-२०१२ ते २०१८-२०१९ पर्यंत सुमारे ९५० लाभधारकांची कायम ठेव हक्क न सांगता आदिवासी कल्याण संचालनालयाकडे पडून आहे. अशा हक्क न सांगितलेल्या कायम ठेव अर्जदारांची यादी आदिवासी कल्याण संचालनालयाच्या ( https://tribalwelfare.goa.gov.in ) वेबसाइटवर अपलोड करण्यात आली आहे. या अर्जदारांनी आपली कायम ठेव रक्कम मिळविण्यासाठी ही सूचना जारी झाल्यापासून ९० दिवसांच्या आत आदिवासी कल्याण संचालनालय, पणजी किंवा मडगांव येथील कचेरीत संपर्क करावा. असे न केल्यास अर्जदारांची रक्कम सरकारी तिजोरीत जमा करण्यात येईल.