१३ ऑक्टोबर रोजी “कायदेशीर प्रलंबितता आणि नैतिक प्रवृत्ती या विषयावर व्याख्यान

 गोवा खबर:न्यायमूर्ती जीडी कामत चॅरिटेबल ट्रस्टने १३ ऑक्टोबर २०२३ रोजी संध्या ५.३० वाजता पाटो- पणजी येथील संस्कृती भवन सभागृहात  स्व. न्यायमूर्ती जी.डी. कामत यांच्या स्मरणार्थ व्याख्यान आयोजित केले आहे.

 न्यायमूर्ती जीडी कामत हे यापूर्वी मुंबई उच्च न्यायालयाचे न्यायाधीश होते आणि गुजरात उच्च न्यायालयाचे मुख्य न्यायाधीश म्हणून निवृत्त झाले होते. न्यायाधीश म्हणून पदोन्नती होण्यापूर्वी, न्यायमूर्ती जीडी कामत हे गोव्यात वकील होते आणि ते शैक्षणिक आणि सामाजिक संस्थांशी संबंधित होते.

मुंबई उच्च न्यायालयाच्या माजी न्यायाधीश, न्यायमूर्ती (निवृत्त) श्रीमती मृदुला भाटकर या “कायदेशीर प्रलंबितता आणि नैतिक प्रवृत्ती” या विषयावर व्याख्यान देतील. मुंबई उच्च न्यायालयाचे न्यायमूर्ती महेश एस. सोनक अध्यक्षस्थानी असतील.

कायदा क्षेत्रातील अॅड.फर्नांडो जॉर्ज कुलासो आणि शिक्षण क्षेत्रातील श्री सुहास सरदेसाई यांचाही यावेळी सत्कार करण्यात येणार आहे.