जलसंसाधनमंत्र्यांकडून  मळा तलावाची पाहणी

गोवा खबर:जलसंसाधन मंत्री श्री सुभाष शिरोडकर यांनी आज मळा पणजी येथे स्मार्ट सिटी अभियानांतर्गत हाती घेण्यात आलेल्या पूर शमन उपाययोजना आणि पूर वॉटर पंपिंग स्टेशनच्या बांधकामाची पाहणी केली.

 जलसंसाधन खात्याचे मुख्य अभियंता श्री प्रमोद बदामी यांनी सुरू केलेल्या साइट प्रकल्पाशी संबंधित कामांचे विविध टप्पे आणि प्रगतीची माहिती दिली.

श्री शिरोडकर यांनी पावसाळ्यात पुराच्या घटनांबाबत चिंता व्यक्त करून ते शक्यतो टाळण्याचे आवाहन केले.

पुढील वर्षी मार्चमध्ये हा प्रकल्प पूर्ण होण्याचा अंदाज आहे. तथापि पुराच्या घटना टाळण्यासाठी पंप सुरू करण्यासारख्या गोष्टी लवकरात लवकर कराव्यात असे मंत्री म्हणाले.