कोविडमुळे मृत्यू आलेल्या नातेवाईकांना सानुग्रह अनुदानासाठी २३ मे पर्यंत अर्ज करण्याचे आवाहन २७ एप्रिल २०२२

गोवा खबर:महसूल खात्याने २० मार्च २०२२ पूर्वी कोविडमुळे मृत्यू आलेल्यांच्या नातेवाईकांकडून ५० हजार रुपयांच्या सानुग्रह अनुदानासाठी २३ मे पर्यंत अर्ज तथा दावे सादर करण्याचे आवाहन केले आहे. कोविडमुळे झालेल्या मृत्यूच्या तारखेपासून नव्वद दिवसांचा कालावधी भरपाईचा दावा दाखल करण्यासाठी दिला जातो.

Last Date for Claim Ex-Gratia Compensation for #COVID is May 23rd,2022. pic.twitter.com/1pFNYdcz8r

— Goa Khabar (@GoaKhabar) April 27, 2022

अत्यंत अडचण आल्यास कोणताही दावेदार जो विहित वेळेत अर्ज करू शकला नाही तो दावेदार तक्रार निवारण समितीकडे जाऊन तक्रार निवारण समितीमार्फत उत्तर आणि दक्षिण जिल्हाधिकारी यांच्या कार्यालयात दावा करू शकतो.

अर्ज जिल्हाधिकारी कार्यालय आणि तालुका मामलेदारांच्या कार्यालयात उपलब्ध आहेत. गोवा ऑनलाइन पोर्टल ( goaonline.gov.in ) द्वारे देखील अर्ज सादर केला जाऊ शकतो.