गोवा खबर : पणजीचे महापौर रोहित मोन्सेरात यांनी शहर स्वच्छ आणि सुंदर राखण्यासाठी नागरिकांनी जबाबदारीची जाणीव ठेवून सार्वजनिक ठिकाणी कचरा टाकणे टाळावे, असे आवाहन केले आहे.
मनपाचे कर्मचारी दररोज पहाटेपासून स्वच्छतेसाठी मेहनत घेत असले तरी काही नागरिकांच्या निष्काळजीपणामुळे शहरातील काही भागांमध्ये पुन्हा कचऱ्याचे ढीग साचत असल्याबद्दल त्यांनी खंत व्यक्त केली.
शहराच्या स्वच्छतेसाठी नागरिकांचा, व्यापाऱ्यांचा आणि सामाजिक संस्थांचा सक्रिय सहभाग आवश्यक आहे. पणजी शहरात सध्या सुमारे आठ प्रमुख कचरा-संकलन संवेदनशील ठिकाणे ओळखण्यात आली असून, या ठिकाणी वारंवार कचरा टाकला जात असल्याने स्वच्छता कर्मचाऱ्यांमार्फत विशेष लक्ष दिले जात आहे.
