गोव्यातील दिव्यांग व्यक्तींच्या सक्षमीकरणासाठी प्रथमच ‘स्ट्राईड फॉर इक्वॅलिटी – रन फॉर इन्क्लुजन’ समावेशक उपक्रमाची घोषणा

गोवा खबर: समावेशकता आणि समानतेला चालना देण्यासाठी रोटरी इंटरनॅशनल डिस्ट्रिक्ट ३१७०ने राज्य दिव्यांगजन आयुक्त कार्यालय आणि गोवा दिव्यांगजन सक्षमीकरण विभागाच्या सहकार्याने, रोटरी क्लब ऑफ बार्देश कोस्टल चॅरिटेबल ट्रस्ट आणि डिसेबिलिटी अलायन्स फॉर इन्क्लुझिव्ह गोवा यांच्या सहकार्याने २० डिसेंबर २०२५ रोजी पणजी येथे ‘स्ट्राईड फॉर इक्वॅलिटी- रन फॉर इन्क्लुजन’ हा उपक्रम आयोजित करण्याची घोषणा केली आहे. “युनाईट फॉर गुड” ही रोटरी इंटरनॅशनलची २०२५-२६साठीची संकल्पना, “क्रिएटिंग लेगसी” ही रोटरी इंटरनॅशनल डिस्ट्रिक्ट ३१७०ची संकल्पना आणि संयुक्त राष्ट्रांचे शाश्वत विकास उद्दिष्ट क्रमांक १०- असमानता कमी करणे या संकल्पनांशी सुसंगत असा रोटरीचा एक प्रमुख उपक्रम म्हणून या उपक्रमाकडे पाहिले जात आहे.

रोटरी क्लब ऑफ बार्देश कोस्टलच्या ७व्या चार्टर सेलिब्रेशनचे औचित्य साधत या उपक्रमाची घोषणा करण्यात आली. यावेळी राज्य दिव्यांगजन आयुक्त कार्यालयाचे सचिव आणि रोटरी क्लब ऑफ बार्देश कोस्टलचे अध्यक्ष श्री. ताहा हाजिक, रोटरी डिस्ट्रिक्ट ३१७०चे असिस्टंट गव्हर्नर श्री. रमेश तिवारी, माजी डिस्ट्रिक्ट गव्हर्नर डॉ. जोशन फर्नांडिस यांच्यासह रोटरी क्लबचे पदाधिकारी व दिव्यांगजन सक्षमीकरण क्षेत्रात कार्यरत प्रतिनिधी उपस्थित होते.

दिव्यांग व्यक्तींसाठीच्या समानता, सहभाग आणि सक्षमीकरणाला प्रोत्साहन देण्यासाठी आणि समावेशनाच्या सामायिक कारणासाठी विविध समुदायांना एकत्र येण्यास प्रेरित करण्यासाठी समावेशकतेची धाव हा अशा प्रकारचा गोव्यातील हा पहिलाच उपक्रम ठरणार आहे.

या उपक्रमाबद्दल बोलताना, राज्य दिव्यांगजन आयुक्त कार्यालयाचे सचिव आणि रोटरी क्लब ऑफ बार्देश कोस्टलचे अध्यक्ष श्री. ताहा हाझिक म्हणाले, “‘स्टाइड फॉर इक्वॅलिटी – रन फॉर इन्क्लुजन’ ही केवळ एक मॅरेथॉन नाही, तर समावेशनासाठीची आमची सामूहिक वचनबद्धता प्रतिबिंबित करणारी चळवळ आहे. एकत्रितपणे, आपण असा गोवा निर्माण करू शकतो जिथे प्रत्येकाला सहभागी होण्याचा, योगदान देण्याचा आणि साजरा करण्याचा अधिकार असेल.”

या कार्याला पाठिंबा दिल्याबद्दल अभिमान व्यक्त करताना रोटरी डिस्ट्रिक्ट ३१७०चे डिस्ट्रिक्ट गव्हर्नर अरुण भंडारी म्हणाले, “रोटरी क्लब नेहमीच समाजाच्या सेवेसाठी उभा राहिला आहे. ‘समानतेसाठीचा संघर्ष’ द्वारे, आम्ही दिव्यांग व्यक्तींना सक्षम बनवण्याच्या आणि जागरूकता व सहभागाने समावेशकता येते हा संदेश पसरवण्याच्या आमच्या समर्पणाची पुष्टी करत आहोत. “हा उपक्रम रोटरीच्या समावेशक भावनेचे प्रतिबिंबित करतो. सहानुभूती, एकता आणि सर्वांसाठी समान संधींना प्रोत्साहन देण्यासाठी विविध सहयोगी संस्था व समुदायासोबत सहकार्य करण्यास आम्हाला आनंद होत आहे.”

या उपक्रमामध्ये दिव्यांग व्यक्ती, युवा, क्रीडा प्रेमी, समावेशकतेचे समर्थक अशा सर्व स्तरातील लोकांचा उत्साही सहभाग अपेक्षित आहे. या उपक्रमात सहभागासाठी नावनोंदणी १ नोव्हेंबर ते ५ डिसेंबर २०२५ या कालावधीत चालणार आहे. सहभागी व्यक्तींना उपक्रमादिवशी दिवशी टी-शर्ट, सहभाग प्रमाणपत्र आणि अल्पोपाहार दिला जाणार आहे.

इच्छुकांनी आपली नावनोंदणी पुढील लिंकद्वारे करावी: https://forms.gle/vCWvNtyNNXd49Ld3A

उपक्रमाच्या अधिक माहितीसाठी संपर्क-

प्रकल्प समन्वयक: रोटेरियन अनिल वार्ष्णेय — +91 93250 29962

समावेशन समन्वय: रोटेरियन जमिला हाजिक— +91 99754 92811