गोवा खबर : भूमिगत केबल टाकण्याच्या कामामुळे गोव्यात अनेक रस्ते खराब झाले असून, नागरिकांच्या जीवाला धोका निर्माण झाला आहे. गेल्या दोन दिवसांत एक ट्रक आणि एक बस कोसळल्याच्या घटनांनी ही गंभीर समस्या समोर आणली आहे.
या प्रकरणावर बोलताना काँग्रेसचे अमरनाथ पणजीकर यांनी भाजप सरकारवर टीका केली. हे विकास नाही, तर विनाश आहे, असे ते म्हणाले. त्यांनी असा प्रश्न उपस्थित केला की, रस्त्यांची वेळेवर दुरुस्ती का झाली नाही? सरकारचा भ्रष्ट कारभार याला कारणीभूत आहे का?
काँग्रेसच्या मागण्या :
सर्व रस्त्यांचे त्वरित आणि नीट सुरक्षा तपासणी करावी
चुकीचे काम करणाऱ्या कंत्राटदारांवर कारवाई करावी
दुरुस्तीचा आराखडा जनतेपुढे सादर करावा
दररोजच्या अपघातांमुळे लोकांमध्ये भीती निर्माण झाली आहे. सरकारने जनतेच्या सुरक्षेचा विचार करावा, असेही पणजीकर यांनी सांगितले.
