गोवा खबर
पर्यटनमंत्री खंवटे यांनी मोरजी खिंड उद्यानाची केली पाहणी
गोवा खबर : मोरजी खिंड उद्यानाच्या स्थितीबद्दल चिंता व्यक्त करणाऱ्या हल्लीच प्रकाशित झालेल्या मीडियाच्या अहवालांना प्रतिसाद देताना खिंड उद्यानाची आज तपासणी करण्यात आली. या तपासणीचे नेतृत्व पर्यटनमंत्री रोहन खंवटे यांनी केले.
त्यांच्यासोबत मांद्रे मतदारसंघाचे आमदार जीत आरोलकर, मोरजी ग्रामपंचायतीचे सरपंच पवन मोरजे, जीटीडीसी प्रोजेक्ट सेलचे ईई (एन) एम. पी. बालन, जीटीडीसी प्रोजेक्ट सेलचे ईई (इलेक्ट.) विशाद पोळे, जीटीडीसीचे ओ अँड एम व्यवस्थापक प्रसाद कवळेकर, ए.ई (सिव्हिल) जीटीडीसी प्रोजेक्ट सेल दीप्ती तेंबकर, टी.ए (सिव्हिल), जीटीडीसी, प्रोजेक्ट सेल पंकज राऊत आणि मेसर्स मॅग्ना अम्युसमेन्ट अँड लेजर प्रा.लि.चे प्रतिनिधी उद्यानाच्या स्थितीचे मूल्यांकन करण्यासाठी तसेच उपस्थित केलेल्या समस्या ओळखण्यासाठी उपस्थित होते.
या ठिकाणी केलेल्या पाहणीत आढळलेल्या समस्यांबाबत चिंता व्यक्त करून खंवटे यांनी ऑपरेटरचे प्रतिनिधी, मेसर्स मॅग्ना अम्युसमेन्ट अँड लेजर प्रा. लि. यांना मोरजी खिंड उद्यानाच्या संपूर्ण देखभालीला प्राधान्य देण्याचे निर्देश दिले. तसेच सामान्य जनता आणि पर्यटकांसाठी हे उद्यान लवकरात लवकर कार्यान्वित करण्यावर त्यांनी भर दिला.
खंवटे म्हणाले, हा एवढा मोठा प्रकल्प, त्याच्या उद्दिष्टाना कमी पडत असल्याचे निराशाजनक आहे. मोरजी खिंड उद्यानाचे रूपांतर एका दोलायमान सार्वजनिक जागेत व्हावे, हे आमचे प्राधान्य आहे. तसेच हे उद्यान उच्च दर्जाच्या पर्यटन पायाभूत सुविधांप्रती गोव्याची बांधिलकी दर्शवते, याची खात्री करणे देखील महत्वाचे आहे. आम्ही आमच्या स्थानिक आणि पर्यटकांना देत असलेल्या गुणवत्तेशी आणि अनुभवाशी तडजोड करणार नाही. या महिन्याच्या अखेरीस हे काम पूर्ण करण्यासाठी ऑपरेटरने जलद कृती करावी, अशी आशा आहे.
हे उद्यान ३१ ऑक्टोबर २०२४ पर्यंत कार्यान्वित करण्याचे लक्ष्य ठेवून, आवश्यक असलेले देखभालीचे काम प्राधान्याने पूर्ण केले जाईल, असे मेसर्स मॅग्ना अम्युसमेन्ट अँड लेजर प्रा.लि.च्या प्रतिनिधींनी पर्यटनमंत्र्यांना सांगितले.
पर्यटन मंत्र्यांनी पुढे जीटीडीसीच्या अधिकाऱ्यांना, ऑपरेटरकडून एक जबाबदारी पत्र घेण्याची सूचना दिली. जे दिलेल्या मुदतीपर्यंत देखभालीचे काम पूर्ण करण्याच्या त्यांच्या इराद्याची पुष्टी करेल. याशिवाय, जीटीडीसीच्या अधिकाऱ्यांना येथील कामाच्या प्रगतीबाबत अनुपालन अहवाल सादर करण्याचे निर्देश देण्यात आले आहेत.
गोव्यातील पर्यटन खाते मोरजी खिंड उद्यानाचे अपेक्षित स्थितीत पुनर्संचयन व्हावे, यासाठी वचनबद्ध आहे. जेणेकरून या ठिकाणी येणाऱ्या स्थानिक आणि अभ्यागत दोघांनाही एक स्वागतार्ह वातावरण तयार होईल.
