श्रीपाद नाईक यांच्याहस्ते कोलवाळे येथे गुणवंत विद्यार्थ्यांचा सत्कार

गोवा खबर : केंद्रीय नवीकरण ऊर्जा मंत्री श्रीपाद नाईक यांनी कोलवाळे येथा डायगो वाझ उच्च माध्यमिक शाळेतील गुणवंत विद्यार्थ्यांच्या सत्कार समारंभास उपस्थित होते.

मत्स्योध्योगमंत्री नीलकंठ हाळर्णकर हे विशेष पाहुणे म्हणून उपस्थित होते. शाळा व्यवस्थापन समितीचे अध्यक्ष विष्णुपंत कुलकर्णी, पालक-शिक्षक संघटनेचे अध्यक्ष जयेश बोंद्रे, पीटीएचे खजिनदार शिवानंद नाईक, शिक्षिका त्रिशला गडेकर आणि विद्यार्थी यावेळी उपस्थित होते.

कार्यक्रमाची सुरुवात प्रमुख पाहुण्यांच्या हस्ते प्रार्थनेने आणि दीपप्रज्वलनाने झाली. २०२४-२०२५ शैक्षणिक वर्षातील अकरावी आणि बारावीतील कला, वाणिज्य आणि विज्ञान शाखेत प्रथम, द्वितीय आणि तृतीय क्रमांक पटकाविणाऱ्या तसेच वैयक्तिक विषयात सर्वाधिक गुण मिळविणाऱ्या गुणवंत विद्यार्थ्यांना प्रमाणपत्रे, शिष्यवृत्ती आणि स्मृतिचिन्हे देऊन गौरविण्यात आले.

या प्रसंगी बोलताना केंद्रीय मंत्री श्रीपाद नाईक यांनी विद्यार्थ्यांचे कौतुक केले आणि त्यांचे अभिनंदन केले आणि त्यांना शैक्षणिक जीवनात शिस्त राखण्याचा सल्ला दिला आणि त्यांना उज्ज्वल भविष्यासाठी शुभेच्छा दिल्या, “राष्ट्राच्या उज्ज्वल भविष्यासाठी प्रत्येकाने प्रामाणिकपणे आपली कर्तव्ये पार पाडली पाहिजेत” असे ते म्हणाले.

खासदारांच्या स्थानिक क्षेत्र विकास योजने अंतर्गत प्रमुख पाहुण्यांच्या हस्ते शाळेला संगणक, प्रोजेक्टर आणि झेरॉक्स मशीन प्रदान करण्यात आली.

सूत्रसंचालन आदित्य शेटकर आणि शिक्षिका तन्वी वझे यांनी केले तर शिक्षिका साईशा परब यांनी आभार मानले.