राज्यपालांच्या हस्ते ‘कुंजिकलींचे मुक्तीचे प्रतिध्वनी’चे प्रकाशन

गोवा खबर : राज्यपाल पीएस श्रीधरन पिल्लई यांनी राजभवनातील दरबार सभागृहात ‘कुंजिकलीच्या मुक्तीचे प्रतिध्वनी’ या पुस्तकाच्या दुसऱ्या आवृत्तीचे प्रकाशन केले.

कुंजिकली यांचे ‘प्रतिध्वनी मुक्ती’ हे पुस्तक मूळ मल्याळम भाषेतून अनुवादित एका दलित महिलेच्या उठावाची गूढ कथा आहे. हे पुस्तक कुंजिकलीची मनमोहक कहाणी उलगडते, जी निसर्गाच्या चार घटकांना स्वीकारणारी आणि पुक्कैथयूरच्या पौराणिक भूमीत सामाजिक नियमांना आव्हान देणारी एक प्रतिष्ठित दलित महिला होती. या कथेत प्रेम आणि द्वेष, चांगले आणि वाईट या विषयांचा समावेश असून वाचकांना मोहित करते.

पुस्तक प्रकाशन समारंभात गोवा विद्यापीठाचे कुलगुरू डॉ. हरिलाल बी. मेनन आणि पुस्तकाच्या लेखिका प्रा. जयलक्ष्मी आणि प्रकाशक  केपीआर नायर उपस्थित होते. गोव्याच्या प्रथम महिला रीता श्रीधरन पिल्लई यांनीही यावेळी उपस्थिती लावली.

पिल्लई यांनी ग्रामीण जीवनावर प्रेम करण्याचा लोकांना सल्ला दिला. स्वातंत्र्यानंतर महात्मा गांधीजींना त्यांच्या गावात परत जायचे होते, असे राज्यपालांनी सांगितले. भारताचे खरे सार आणि शक्ती ग्रामीण समुदायांमध्ये आहे, असेही राज्यपालांनी सांगितले.

दलित महिलेच्या भावना जागविणाऱ्या कादंबरीसाठी राज्यपालांनी लेखक आणि प्रकाशकांचे अभिनंदन केले. पुस्तकाच्या लेखिका जयलक्ष्मी यांनी यावेळी बोलताना अनुवादित पुस्तकाची माहिती करून दिली. पिल्लई यांच्या कार्याची प्रशंसा केली.

केपीआर नायर यांनी स्वागत केले. आर. मिहिर वर्धन आयएएस (निवृत्त) यांनी या प्रसंगी आपले विचार मांडले. पुस्तक प्रकाशन समारंभाला राज्यपालांचे सचिव एमआरएम राव, आयएएस उपस्थित होते. नंदना रमण यांनी पुस्तकातील एक उतारा वाचून दाखविला. मेघा मुखर्जी यांनी सूत्रसंचालन केले आणि आभार मानले.