डीआयटीईअँडसी कडून फिल्म बाजारमध्ये टेक मीडिया स्टार्टअप एक्स्पो २०२४चे आयोजन

गोवा खबर: गोवा सरकारचे माहिती तंत्रज्ञान, इलेक्ट्रॉनिक्स आणि कम्युनिकेशन्स खाते (डीआयटीई अँड सी), इफ्फी फिल्म बाजारमध्ये २० ते २४ नोव्हेंबर २०२४ या कालावधीत पाच दिवसीय “टेक मीडिया स्टार्टअप एक्स्पो २०२४” या कार्यक्रमाचे आयोजन करत आहे. भारतीय आंतरराष्ट्रीय चित्रपट महोत्सव (इफ्फी) दरम्यान आयोजित केलेला हा एक्स्पो, टेकमीडिया क्षेत्रातील भारताच्या भूमिकेवर प्रकाश टाकून सर्जनशीलता, तंत्रज्ञान आणि नाविन्य क्षेत्रातील पुढाऱ्यांना एकत्र आणेल.

टेक मीडिया स्टार्टअप एक्स्पोने २०२३ मध्ये यशस्वी पदार्पण केल्यानंतर, या वर्षी “भारताची सर्जनशील राजधानी” बनण्याच्या गोव्याच्या ध्येयाशी संरेखित करण्यासाठी, विस्तारित व्यासपीठासह हा एक्स्पो परत आला आहे. इफ्फी, स्टार्टअप इंडिया, नॅशनल फिल्म डेव्हलपमेंट कॉर्पोरेशन (एनएफडीसी), एंटरटेनमेंट सोसायटी ऑफ गोवा (ईएसजी), इंडिया ब्लॉकचेन अलायन्स (आयबीए), प्रोड्यूसर्स गिल्ड ऑफ इंडिया (पीजीआय) आणि इतर प्रमुख भागीदारांच्या सहकार्याने, आजचा सिनेमा आणि उदयोन्मुख तंत्रज्ञान यांच्यात हा कार्यक्रम, एक अद्वितीय समन्वय निर्माण करेल.

पाच दिवस चालणाऱ्या या एक्स्पोमध्ये, टेक मीडिया इनोव्हेशनमध्ये आघाडीवर असलेल्या गोव्यातील, राष्ट्रीय आणि आंतरराष्ट्रीय स्टार्टअप्ससह १० स्टार्टअप प्रदर्शक असतील. जेनएआय चित्रपट निर्मिती, पटकथालेखन आणि बातम्यांचे भविष्य कसे घडवत आहे तसेच महिलांचा दृष्टीकोन मीडियाची पुनर्परिभाषित कशी करत आहे, यावरील चर्चा सत्रात देखील उपस्थित राहतील. या डेमो सादरीकरणासह आणि “माइंड ऑफ द मशीन”, “हर स्टोरी, हर स्क्रीन” आणि “डेप्थ्स ऑफ पर्सेप्शन” या संकल्पनेच्या फायरसाइड चॅटसह, नवनवीन तंत्रज्ञानाबद्दल ज्ञान देण्यासाठी तसेच उद्योगातील अग्रगण्यांसह नेटवर्किंग सुलभ करण्यासाठी डिझाइन केलेले आहे. “स्टोरीज अनबाउंड” नावाचे मनमोहक कविता सादरीकरण हे या कार्यक्रमाचे मुख्य आकर्षण असेल, जे तंत्रज्ञानाद्वारे कथाकथनाच्या उत्क्रांतीवर जोर देईल. स्ट्रीमिंग सेवा, सामग्री निर्मिती साधने, आभासी आणि संवर्धित वास्तविकता, ॲनिमेशन, गेमिंग, जाहिरात तंत्रज्ञान इत्यादी क्षेत्रांवर लक्ष केंद्रित करून, हा कार्यक्रम उपस्थितांना मीडिया जगतात उदयोन्मुख तंत्रज्ञान कसे बदलत आहे, याचे सर्वसमावेशक दृश्य प्रदान करेल.

टेक मीडिया स्टार्टअप एक्स्पो २०२४, स्टार्टअप्सना त्यांच्या नवकल्पनांचे प्रदर्शन करण्याची, प्रमुख उद्योग भागधारकांशी संपर्क साधण्याची आणि उच्च-स्तरीय गुंतवणूकदार तसेच मीडिया व्यावसायिकांशी संलग्न होण्याची संधी प्रदान करेल. टेक मीडियामधील समवयस्क आणि तज्ञांशी संपर्क साधण्याची तसेच आंतरराष्ट्रीय प्रेक्षकांपर्यंत पोहोचण्याची, ही एक संधी आहे. इच्छुक स्टार्टअपसाठी आता अर्ज खुले आहेत.

प्रसार माध्यमांवर तंत्रज्ञानाचा प्रभाव कसा पडतो आणि भारताची ‘क्रिएटिव्ह कॅपिटल’ म्हणून, गोव्याच्या विकासाला कसा पाठिंबा मिळतो हे पाहण्यासाठी  २० ते २४ नोव्हेंबर २०२४ पासून आमच्यासोबत सहभागी व्हा.