भाऊसाहेब बांदोडकरांच्या ५० पुण्यतिथी निमित्त  संगीत कार्यक्रमाचे आयोजन

– प्रवीण गावकर , पल्लवी पाटील करणार गायन

गोवा खबर : दयानंद ‘भाऊसाहेब’ बांदोडकर यांच्या ५० व्या पुण्यतिथीनिमित्त रविवार १३ ऑगस्ट रोजी फोंडा तालुक्यातील खांडोळा येथे प्रख्यात शास्त्रीय गायक प्रवीण गावकर आणि त्यांच्या शिष्या पल्लवी पाटील यांचा विशेष संगीत कार्यक्रम होणार आहे.

ही मैफल बांदोडकर परिवाराने आयोजित केली असून ती विनामूल्य आणि सर्वांसाठी खुली आहे. गावकर आणि पाटील यांना दत्तराज शेट्ये (तबला), विष्णू शिरोडकर (कीबोर्ड), रोहित वानकर (बासरी), सुभाष फातर्पेकर (हार्मोनियम), किशोर तेली (पखवाज) आणि योगेश रायकर (बाजूचा ताल) साथसंगत करणार आहेत. गावकर आणि टीम या मैफलीत अभंग, नाट्यगीत, भावगीत आणि हिंदी भजने सादर करणार आहेत. हा कार्यक्रम १३ ऑगस्ट रोजी सायंकाळी ५ वाजता रॉयल सभागृह, बिग-बी, खांडोळा येथे होईल.