गोवा खबर:राज्यपाल पी.एस.श्रीधरन पिल्लई यांनी पर्यटन, माहिती व तंत्रज्ञान मंत्री श्री रोहन खवंटे, पेन्ह-दे-फ्रांकचे सरपंच श्री स्वप्नील चोडणकर आणि जिल्हा पंचायत सदस्य श्रीमती कविता नाईक यांच्यासमवेत “गोवा संपूर्ण यात्रेचा भाग म्हणून बार्बेश तालुक्यातील पर्वरीला भेट दिली.
अवर लेडी ऑफ पेन्हा-दे-फ्रँक चर्चला भेट देऊन राज्यपालांनी आपल्या दौऱ्याची सुरुवात केली आणि रेव्ह. फा. मॅथ्यू सिक्वेरा आणि फा. अँटोनी ब्रिट्टो यावेळी उपस्थित होते.
त्यानंतर राज्यपालांनी वेताळ महारुद्र मंदिराला भेट दिली. समितीच्या सदस्यांनी त्यांचे स्वागत केले.
साल्वादोर-द मुंद, सुकूर आणि पेन्हा-दे-फ्रांक येथील पंचायतींचे सरपंच, उपसरपंच आणि पंचांशी संवाद साधताना राज्यपालांनी त्यांच्या तक्रारींचे निराकरण करण्यासाठी राजभवन सरकारकडे पाठपुरावा करणार असल्याचे आश्वासन दिले.
राज्यपालांनी पुढे सांगितले की आपल्या १८ महिन्यांच्या कार्यकाळात ते हजारो लोकांना भेटले आणि गोव्यातील लोक प्रेमळ आणि कष्टाळू आहेत याची जाणीव झाली. श्वास रोखणारी गावे आणि मंदिरे, चर्च इत्यादींना कलात्मक मूल्य आहे असे राज्यपाल म्हणाले.
मातृभूमीचे कौतुक करताना राज्यपाल पीएस श्रीधरन पिल्लई यांनी गोव्यातील सुंदर झाडे आणि वनसंपदा निसर्गप्रेमींना आकर्षित करतात. दरडोई उत्पन्नाच्या बाबतीत भारतातील राज्यांच्या संघामध्ये गोव्याचा पहिला क्रमांक लागतो असेही ते म्हणाले.
यावेळी बोलताना श्री रोहन खवंटे यांनी मतदार संघातील जनतेच्या मुलभूत गरजा त्यांच्या मागणीनुसार पुरविण्यात आपण यशस्वी झालो आहोत. राज्यपालांनी राज्यातील जवळपास सर्वच मतदारसंघांना भेटी दिल्या असून त्यांना जनतेला होणाऱ्या त्रासाची माहिती आहे. आपल्या राज्यपालांनी जमिनीवरील वास्तव पाहण्यासाठी आणि लोकांचे ग्रामीण जीवन जाणून घेण्यासाठी आणि अभ्यास करण्यासाठी जास्तीत जास्त गावांना भेटी दिल्या आहेत. गोव्याबद्दल जाणून घेण्याची त्यांची इच्छा वाखाणण्याजोगी आहे असेही मंत्री म्हणाले.
सुकुर पंचायतीचे सरपंच सौ. सोनिया पेडणेकर यांनी पाहुण्यांचे स्वागत केले.
राज्यपाल श्री पी एस श्रीधरन पिल्लई यांचा पर्वरीकरांच्या वतीने श्री रोहन खवंटे यांच्या हस्ते शाल, श्रीफळ आणि पारंपरिक समई अर्पण करून सत्कार करण्यात आला.
राज्यपालांनी पर्वरी बार्देश येथील डायलिसिस रुग्णांसाठी आर्थिक सहाय्य वितरित केले.
नंतर राज्यपालांनी पोलिस मुख्यालयजवळील डब्ल्यूआरडी टँक आणि बायो-मिथेनेशन गार्डनला भेट दिली. जिल्हा पंचायत सदस्या श्रीमती कविता नाईक, साल्वादोर द मुंदच्या सरपंच सौ. रोशनी सावईकर, सरपंच, पेन्हा-दे-फ्रांका श्री स्वप्नील चोडणकर, सरपंच, सुकुर पंचायत, सौ. सोनिया पेडणेकर, राज्यपालांचे सचिव श्री मिहीर वर्धन, आयएएस (निवृत्त), उपजिल्हाधिकारी, मामलेदार, गटविकास अधिकारी यावेळी उपस्थित होते.
