57 व्या ‘इफ्फीत  ‘इंडियन पॅनोरमा’ विभागाअंतर्गत 25 कथात्मक आणि 20 कथाबाह्य चित्रपट दाखवले जाणार

गोवा खबर:भारतीय आंतरराष्ट्रीय चित्रपट महोत्सवाचा (IFFI – International Film Festival of India) एक प्रमुख विभाग असलेल्या ‘इंडियन पॅनोरमा’ या विभागात 2026 च्या आयोजनाअंतर्गत 25 कथात्मक (फीचर) चित्रपट आणि 20 कथाबाह्य (नॉन फीचर) चित्रपट दाखवले जाणार आहेत. या 25 कथात्मक चित्रपटांमध्ये मुख्य प्रवाहातील चित्रपट विभागातील पाच चित्रपटांचा समावेश आहे. ‘इंडियन पॅनोरमा 2026’ चा उद्घाटनीय कथात्मक चित्रपट म्हणून आदित्य धर दिग्दर्शित ‘धुरंधर’ (हिंदी) या चित्रपटाची निवड झाली आहे. तर लीना यादव दिग्दर्शित ‘बिकमिंग’ (लडाखी) या चित्रपटाची उद्घाटनीय कथाबाह्य चित्रपट म्हणून निवड करण्यात आली आहे.

यंदा या विभागासाठी 404 समकालीन भारतीय कथात्मक चित्रपटांच्या प्रवेशिका आल्या होत्या. त्यातून या कथात्मक चित्रपटांची निवड करण्यात आली आहे. तर कथाबाह्य चित्रपटांसाठी आलेल्या 358 प्रवेशिकांमधून 20 चित्रपटांची निवड केली गेली. या निवड झालेल्या चित्रपटांच्या माध्यमातून यंदाच्या महोत्सवात कथात्मक आणि कथाबाह्य प्रकारांतील तसेच अनेक भाषांमधील समकालीन भारतीय चित्रपटनिर्मितीचे व्यापक विश्व खुले होणार आहे. चित्रपट कलेच्या प्रसारासाठी सिनेमॅटिक, संकल्पना आणि सौंदर्यदृष्टीच्या पातळीवर असलेल्या कथात्मक आणि कथाबाह्य चित्रपटांची निवड करणे, हे इंडियन पॅनोरमाचे उद्दिष्ट आहे. कथात्मक आणि कथाबाह्य चित्रपटांसाठी नेमलेल्या स्वतंत्र परीक्षक मंडळांमार्फत त्यांच्या संबंधित अध्यक्षांच्या नेतृत्वात ही निवड केली जाते.

भारतीय चित्रपटसृष्टीतील नवे दृष्टिकोन, अभिव्यक्तीमधील अभिनवता आणि नव्या प्रतिभेला प्रोत्साहन देणे, हा भारतीय कथात्मक चित्रपटासाठी सर्वोत्कृष्ट पदार्पणीय दिग्दर्शक पुरस्कारामागचा उद्देश आहे.

इंडियन पॅनोरमा 2026 साठी निवडलेले 25 कथात्मक चित्रपट

राष्ट्रीय चित्रपट पुरस्कार विजेते चित्रपट दिग्दर्शक आणि निर्माते मधुर भांडारकर यांच्या अध्यक्षतेखालील 12 सदस्यांच्या कथात्मक चित्रपट परीक्षक मंडळाने ही निवड केली आहे. निवडलेल्या कथात्मक चित्रपटांमध्ये इंडियन पॅनोरमा कथात्मक चित्रपट विभागातील 20 चित्रपटांचा आणि मुख्य प्रवाहातील चित्रपट विभागाअंतर्गतच्या पाच चित्रपटांचा समावेश आहे.

मुख्य प्रवाहातील चित्रपट विभाग

भारतीय  कथात्मक  चित्रपटांसाठी  सर्वोत्कृष्ट पदार्पण दिग्दर्शक पुरस्कारासाठी नामांकनं

कथात्मक चित्रपटांच्या  ज्युरीने ‘सर्वोत्कृष्ट पदार्पण दिग्दर्शक’ पुरस्कारासाठी खालील पाच चित्रपटांची निवड केली आहे:

‘इंडियन पॅनोरमा 2026  साठी निवडलेले 20 कथाबाह्य चित्रपट

सहा सदस्यांच्या कथाबाह्य चित्रपटांच्या ज्युरीचे नेतृत्व प्रसिद्ध चित्रपट दिग्दर्शक आणि शिक्षणतज्ज्ञ हिमांशू शेखर खटुआ यांनी केले. एकूण 358 समकालीन भारतीय कथाबाह्य चित्रपटांच्या प्रवेशिकांमधून 20 चित्रपटांची निवड करण्यात आली आहे. हे चित्रपट उदयोन्मुख आणि प्रस्थापित चित्रपट निर्मात्यांची समकालीन भारतीय मूल्यांचे दस्तऐवजीकरण करण्याची, त्याबाबत शोध घेण्याची, मनोरंजन करण्याची आणि प्रेक्षकांना गुंतवून ठेवण्याची क्षमता दर्शवतात.

इफ्फी च्या छत्राखाली 1978 मध्ये सादर करण्यात आलेला, इंडियन पॅनोरमा भारतीय चित्रपट आणि देशाच्या समृद्ध संस्कृती आणि वारशाचा सिनेमा कलेच्या माध्यमातून प्रचार करतो. हे वर्षातील सर्वोत्कृष्ट भारतीय चित्रपट प्रदर्शित करण्यासाठी आणि ना-नफा स्क्रीनिंगद्वारे चित्रपट कलेचा प्रचार करण्यासाठी समर्पित आहे. IFFI मध्ये त्यांच्या स्क्रिनिंगच्या पलीकडे, निवडक चित्रपट भारतातील आणि परदेशातील आंतरराष्ट्रीय चित्रपट महोत्सवांमध्ये, द्विपक्षीय सांस्कृतिक विनिमय कार्यक्रमांतर्गत आयोजित भारतीय चित्रपट सप्ताह, सांस्कृतिक देवाणघेवाण प्रोटोकॉलच्या बाहेर विशेष भारतीय चित्रपट महोत्सव आणि भारतातील विशेष भारतीय पॅनोरमा महोत्सवांमध्ये सादर केले जाऊ शकतात.