गोमंतकीय महिलांना लखपती बनविण्याचे सरकारचे उद्दिष्ट : मुख्यमंत्री

गोवा खबर : गोव्यातील महिलांना लखपती बनविण्याचे सरकारचे उद्दिष्ट असून त्यामुळे स्वयंरोजगारासाठी स्वयंनिर्भर होण्यासाठी विविध योजना राबविल्या आहेत, असे प्रतिपादन मुख्यमंत्री डॉ. प्रमोद सावंत यांनी जिल्हा ग्रामीण विकास संस्थेने पॉलिसी वॉच इंडिया फाऊंडेशन आणि फ्लिपकार्ट इंडिया लिमिटेड यांच्या सहकार्याने पर्वरी येथे आयोजित केलेल्या कार्यक्रमात बोलताना केले.

कार्यशाळेचा उद्देश महिलांना विपणन कौशल्ये, ब्रँडिंग, उत्पादनांचे अपग्रेडेशन इत्यादींबद्दल जागरूक करणे हा आहे. फ्लिपकार्ट ऑनबोर्डिंग ई-कॉमर्स प्लॅटफॉर्मवर गोवा राज्य ग्रामीण उपजीविका अभियानांतर्गत हा कार्यक्रम आयोजित करण्यात आला होता.

मुख्यमंत्री सावंत यांनी गोवा राज्य ग्रामीण उपजीविका अभियानाने, फ्लिपकार्ट, भारतातील आघाडीचे ई-कॉमर्स प्लॅटफॉर्म आणि पॉलिसी वॉच इंडिया फाऊंडेशन यांच्या सहकार्याने गोव्यातील स्वयं-मदत गटांमधील महिला उद्योजकांना सक्षम करण्यासाठी एक उपक्रम सुरू केला आहे. या प्रतिभावान महिलांनी तयार केलेली उत्पादने फ्लिपकार्टच्या ऑनलाइन मार्केटप्लेसवर प्रदर्शित करणे आणि विकणे हे या भागीदारीचे उद्दिष्ट आहे. त्यांना चांगली किंमत मिळण्यासाठी फिनिशिंग, अपग्रेड, उत्तम पॅक आणि ब्रँडेड उत्पादन करून उत्पादनात मूल्य वाढविण्याची सूचना केली. त्यांना त्यांचे उत्पादन जागतिक स्तरावर पोहोचविता यावे यासाठी त्यांना शिकण्यासाठी, त्यांची कौशल्ये अपग्रेड करण्यासाठी आणि फ्लिपकार्टशी टायअप करण्याचे आवाहन केले.

मुख्यमंत्र्यांनी कार्यशाळेत सहभागी झालेल्या महिलांचे कौतुक करून लखपती दीदी होण्यासाठी स्वयंरोजगारासाठी राबविण्यात येणाऱ्या योजनांचा लाभ घेण्याचे आवाहन केले.

फ्लिपकार्टचे मुख्य कार्यकारी अधिकारी, कॉर्पोरेट अफेअर्स रजनीश कुमार यांनी आपल्या मुख्य भाषणात फ्लिपकार्टची भागीदारी ग्रामीण समाजामध्ये परिवर्तन घडवून आणणारी आहे असे सांगितले. ग्रामीण भारतात अर्थपूर्ण बदल घडवून आणण्याचा, महिलांना महिला सक्षमीकरणात ई-कॉमर्सची भूमिका जाणून घेण्यास मदत करण्याचा त्यांचा मानस आहे. तसेच द पॉलिसी वॉच फाऊंडेशन इंडिया अशा प्रकारच्या प्रशिक्षण सत्रांचे आयोजन करून आणि “लखपती दीदी,” आर्थिकदृष्ट्या सक्षम महिला उद्योजक तयार करण्याच्या पंतप्रधान  नरेंद्र मोदी यांच्या संकल्पनेला पाठिंबा देऊन या उपक्रमात महत्त्वपूर्ण भूमिका बजावत आहे.

डीआरडीएचे प्रकल्प संचालक गोपाळ पार्सेकर यांचे यावेळी स्वागतपर भाषण झाले. पॉलिसी वॉच फाऊंडेशन इंडियाचे सीईओ अमन मित्तल, सल्लागार पीडब्ल्यूआयएफ  पंकज कुमार, डीआरडीएचे कर्मचारी आणि इतर यावेळी उपस्थित होते.