प्रादेशिक वृत्तपत्रांची विश्वासार्हता टिकून; ‘गोवन वार्ता’ ठरला सर्वोत्कृष्ट दिवाळी अंक

गोवा खबर : आजच्या तंत्रज्ञानाच्या युगात पत्रकारितेचे स्वरूप बदलत असले तरी, प्रादेशिक वृत्तपत्रांचा खप आणि महत्त्व आजही टिकून आहे. मात्र, नवीन पिढीतील ५० टक्के विद्यार्थी वृत्तपत्रे वाचत नाहीत, हे पत्रकारितेसमोरील मोठे आव्हान आहे, असे मत माजी सनदी अधिकारी दौलतराव हवालदार यांनी व्यक्त केले. गोवा मराठी पत्रकार संघाच्या वतीने आयोजित पुरस्कार वितरण सोहळ्यात ते प्रमुख पाहुणे म्हणून बोलत होते.

पुरस्कारांची मोहर:

 * वैयक्तिक पुरस्कार: धर्मानंद कामत यांना ‘भारतकार हेगडे देसाई पुरस्कार’, गोकुळदास मुळवी यांना ‘ना. भा. नायक पुरस्कार’ तर छायाचित्रकार सुनील नाईक यांना ‘लक्ष्मीदास बोरकर पुरस्कार’ देऊन गौरवण्यात आले.

 * दिवाळी अंक स्पर्धा: या स्पर्धेत गोवन वार्ताच्या दिवाळी अंकाने गोवा विभागात प्रथम क्रमांक पटकावून सर्वोत्कृष्ट अंकाचा मान मिळवला. अरविंद धुरी आणि अमित पोकळे यांनी हा पुरस्कार स्वीकारला.

 * इतर विजेते: सांगली येथील ‘चतुरंग अन्वय’ या अंकाने प्रथम, मुंबईच्या ‘वसा’ने द्वितीय तर ‘मौज’ने तृतीय क्रमांक मिळवला.

या कार्यक्रमात वामन प्रभू यांच्या ‘अवांतर’ या पुस्तकाचे प्रकाशन करण्यात आले. तसेच मराठी साहित्यातील दिग्गज बोरकर, पाडगावकर आणि माडगूळकर यांच्या रचनांवर आधारित सांगितिक मैफिलीने कार्यक्रमाची शोभा वाढवली.