गोवा खबर : देशातील अग्रगण्य टेस्ट प्रिपरेटरी संस्था आकाश एज्युकेशनल सर्व्हिसेस लिमिटेड (AESL) ने आपल्या प्रतिष्ठित वार्षिक शिष्यवृत्ती परीक्षेची – अँथे 2025 – घोषणा केली आहे. इयत्ता 5वी ते 12वीच्या विद्यार्थ्यांसाठी असलेल्या या राष्ट्रीय स्तरावरील परीक्षेत ₹250 कोटींपर्यंत 100% शिष्यवृत्ती आणि ₹2.5 कोटींची रोख बक्षिसे जाहीर करण्यात आली आहेत.
अँथे परीक्षा ऑनलाइन 4 ते 12 ऑक्टोबर 2025 आणि ऑफलाइन 5 व 12 ऑक्टोबर 2025 रोजी देशभरातील 415+ केंद्रांवर होणार आहे. नोंदणीसाठी शुल्क ₹300 असून लवकर अर्जदारांना 50% सूट मिळेल. अर्जासाठी anthe.aakash.ac.in या वेबसाईटला किंवा जवळच्या आकाश सेंटरला भेट देता येईल.
AESL ने यंदा ‘आकाश इन्व्हिक्टस एस टेस्ट’ देखील सुरू केली आहे. ही परीक्षा JEE Advanced तयारीसाठी खास असून 8वी ते 12वीच्या विद्यार्थ्यांसाठी 24 ऑगस्ट, 31 ऑगस्ट आणि 7 सप्टेंबर 2025 रोजी होणार आहे. परीक्षेत यशस्वी विद्यार्थ्यांना 100% पर्यंत शिष्यवृत्ती आणि रोख बक्षिसांची संधी मिळेल.
मागील वर्षी 10 लाखांहून अधिक विद्यार्थ्यांनी अँथे दिली होती. NEET आणि JEE Advanced च्या टॉप रँकर्समध्ये अँथेचे विद्यार्थी आघाडीवर आहेत – NEET 2025 च्या टॉप 100 मध्ये 22 आणि JEE Advanced मध्ये 10 विद्यार्थ्यांचा समावेश आहे.
AESL चे CEO व MD दीपक मेहरोत्रा यांनी सांगितले, “अँथे विद्यार्थ्यांना दर्जेदार मार्गदर्शन, आत्मविश्वास आणि स्पर्धा परीक्षांसाठी मजबूत पाया उपलब्ध करून देते. आर्थिक पार्श्वभूमी कोणतीही असो – प्रत्येक विद्यार्थ्यात समस्यांचे समाधान शोधण्याची क्षमता आहे.”
परीक्षेचे निकाल टप्प्याटप्प्याने जाहीर होतील – 10वीसाठी 24 ऑक्टोबर, 7वी ते 9वीसाठी 29 ऑक्टोबर, 5वी व 6वीसाठी 1 नोव्हेंबर आणि 11वी-12वीसाठी 4 नोव्हेंबर 2025 रोजी.
