गोवा खबर : गोवा सरकारच्या पर्यटन खात्याने, निवास सुविधा असलेल्या किंवा नसलेल्या सर्व कृषी फर्म्स आणि मसाल्याच्या बागांना गोवा पर्यटन व्यापार नोंदणी कायदा, १९८२ आणि नियम १९८५ अंतर्गत त्यांच्या आस्थापनांची नोंदणी करण्याचे निर्देश दिले आहेत. या परिपत्रकाची तारीख, म्हणजेच ८ मे २०२५ रोजीपासून १५ कामाच्या दिवसांच्या आत ही नोंदणी करणे आवश्यक आहे.
असे आढळून आले आहे, की अशा अनेक संस्था सध्या पर्यटन खात्याकडून आवश्यक परवानगी, एनओसी किंवा परवान्यांशिवाय कार्यरत आहेत.
पर्यटन क्षेत्रात कायदेशीर पालन सुनिश्चित करणे, पारदर्शकता आणि मानके राखणे, हे या निर्देशाचे उद्दिष्ट आहे.
