दोहा येथे आकर्षक रोड शोसह गोवा पर्यटनाची जागतिक स्तरावर छाप

गोवा खबर :  गोवा सरकारच्या पर्यटन खात्याने ९ एप्रिल २०२५ रोजी दोहा, कतार येथे पर्यटन रोड शो यशस्वीरित्या संपन्न केला. या कार्यक्रमाला प्रवास आणि आतिथ्य उद्योगातील प्रमुख भागधारकांकडून प्रचंड प्रतिसाद लाभला, ज्यामुळे गोव्याचे पसंतीचे प्रवास स्थळ म्हणून असलेले स्थान अधिकच मजबूत झाले.

कतार, दोहा येथील रॅडिसन ब्लू हॉटेल येथे आयोजित या रोड शोने नेटवर्किंग आणि सहकार्यासाठी एक मौल्यवान व्यासपीठ उपलब्ध करून दिले, ज्यामुळे गोव्यात पर्यटनाच्या संधी वाढविण्यासाठी नवीन भागीदारी निर्माण झाल्या. यावेळी प्रवास उद्योगातील व्यावसायिक, मान्यवर आणि संभाव्य अभ्यागत हे सर्व, गोव्याच्या अद्वितीय पर्यटन सेवेबद्दल माहिती देण्यासाठी आयोजित केलेल्या फलदायी चर्चांमध्ये सहभागी झाले.

या कार्यक्रमाचे मुख्य आकर्षण म्हणजे ‘गोवा इव्हनिंग’, जे एक मोहक सांस्कृतिक प्रदर्शन होते ज्याने प्रेक्षकांना मंत्रमुग्ध केले. या संध्याकाळी उत्साही लोक-नृत्य सादरीकरण, एक अंतर्दृष्टीपूर्ण गंतव्याचे सादरीकरण आणि गोव्याच्या विविध पर्यटन अनुभवांचे प्रदर्शन करणारा एक विशेष चित्रपट सादर झाला. यावेळी उपस्थितांना समृद्ध वारसा, निसर्गरम्य व रमणीय भूप्रदेश आणि गोव्याची व्याख्या करणाऱ्या उबदार अशा आदरातिथ्यात स्वतःला विसर्जित करण्याची संधी मिळाली.

कतारमधील भारताचे राजदूत विपुल यांच्यासह प्रमुख मान्यवरांनी या मेळाव्याला संबोधित केले. त्यांनी जागतिक पर्यटन केंद्र म्हणून गोव्याच्या क्षमतेवर भर दिला आणि कतारमधील प्रवाशांना गोवा राज्याच्या अतुलनीय सौंदर्याचा अनुभव घेण्यासाठी आमंत्रित केले.

या प्रसंगी, माननीय पर्यटन मंत्री रोहन खंवटे यांनी आपले विचार व्यक्त करताना सांगितले, की “गोवा राज्य हे वर्षभरासाठी, प्रीमियम पर्यटन स्थळ म्हणून विकसित होत आहे, जे त्याच्या प्रतिष्ठित समुद्रकिनाऱ्यांपेक्षाही बरेच अनुभव देते. कतारमधील या रोड शोद्वारे, आम्ही गोव्याचा समृद्ध आध्यात्मिक वारसा, चैतन्यशील अंतर्गत स्थळे, साहस पर्यटन आणि एमआयसीई प्रदर्शित करण्याचे उद्दिष्ट ठेवतो. शांत मंदिर परिसर आणि वारसा स्थळांपासून ते जागतिक दर्जाची ठिकाणे आणि तल्लीन करणाऱ्या अनुभवांपर्यंत, गोवा ही एक अशी जागा आहे जिथे परंपरा ही आधुनिक आकांक्षांना पूर्ण करते. मध्य पूर्वेतील प्रवाशांना समुद्रकिनाऱ्यांपलीकडील गोवा अनूभवण्यासाठी आम्ही आमंत्रित करतो.”

गोवा पर्यटन रोड शोमध्ये उपस्थितांना संबोधित करताना, कतारमधील भारताचे राजदूत विपुल यांनी भारत आणि कतारमधील मजबूत लोक केंद्रित संबंधांवर प्रकाश टाकला. जे दोन्ही देशांमधील मजबूत अशा पर्यटन प्रवाहात देखील दिसून येतात. कतारला जाणाऱ्या पर्यटकांमध्ये भारतीयांचा समावेश आहे आणि भारत नेहमीच कतारसाठी एक प्रमुख पर्यटन स्थळ राहिले आहे, मग ते विश्रांतीसाठी, खरेदी, आरोग्य, साहस इत्यादींसाठी असो. समुद्रकिनारे, पाककृती आणि सांस्कृतिक वैशिष्ट्यांचा आनंद घेणाऱ्या कतार मधील प्रवाशांसाठी, गोवा हे एक आवडते ठिकाण म्हणून उदयास आले आहे. गोव्याच्या या रोड शोमुळे कतारमधून या सुंदर राज्याला भेट देणाऱ्या पर्यटकांमध्ये आणखी वाढ होईल.

पर्यटन संचालक केदार नाईक यांनी मत व्यक्त केले, की “गोव्याचे आकर्षण त्याचा वारसा, संस्कृती आणि नैसर्गिक सौंदर्याच्या अखंड मिश्रणात आहे, ज्यामुळे गोवा इतर कोणत्याही ठिकाणापेक्षा वेगळा आणि अनोखा आहे. दोहा रोड शोमधील उत्साही प्रतिसाद हा आंतरराष्ट्रीय प्रवाशांमध्ये गोव्याबद्दल वाढती उत्सुकता असल्याचे पुन्हा एकदा सिद्ध करतो. आम्ही आमची जागतिक भागीदारी मजबूत करण्यासाठी आणि पर्यटकांचे चांगले अनुभव वाढवण्यासाठी वचनबद्ध आहोत, जेणेकरून गोव्यात येणाऱ्या प्रत्येक प्रवाशाला खरोखर काहीतरी खास पहायला मिळेल याची खात्री होईल.”

या प्रसंगी बोलताना, गोवा पर्यटन विकास महामंडळाचे (जीटीडीसी) व्यवस्थापकीय संचालक कुलदीप आरोलकर म्हणाले, की “गोवा हे केवळ एक गंतव्यस्थान नसून तो एक असा अनुभव आहे, जो नैसर्गिक सौंदर्य, समृद्ध वारसा आणि उबदार आदरातिथ्याचे मिश्रण देतो. या रोड शोद्वारे, आम्हाला कतारमध्ये गोव्याची झलक दाखवून, येथील प्रवास उद्योगाशी असलेले आमचे बंध मजबूत करण्यास आनंद होत आहे. आम्ही कतारमधील प्रवाशांचे गोवा पाहण्यासाठी आणि येथील दोलायमान संस्कृती व विविध सेवांमध्ये स्वतःला विसर्जित करण्यासाठी स्वागत करतो.”

दोहा येथील गोवा पर्यटनाचा रोड शो हा आंतरराष्ट्रीय बाजारपेठेशी संवाद साधण्यासाठी आणि जागतिक पर्यटकांची आवड वाढवण्याच्या व्यापक उपक्रमाचा एक भाग आहे. ट्रॅव्हल एजंट, टूर ऑपरेटर आणि संभाव्य प्रवाशांशी थेट संवाद साधून, इनबाउंड पर्यटनाला चालना देण्याचे आणि कतारच्या प्रवास उद्योगाशी दीर्घकालीन सहकार्य स्थापित करण्याचे गोवा पर्यटनाचे उद्दिष्ट आहे. कार्यक्रमाच्या यशात योगदान देणाऱ्या सर्व सहभागी, मान्यवर आणि प्रवास उद्योगातील भागधारकांचे गोवा पर्यटन आभार मानते. येथे मिळालेल्या सकारात्मक प्रतिसादामुळे गोवा, कतार आणि अन्य ठिकाणांहून अधिक पर्यटकांचे स्वागत करण्यास उत्सुक आहे.