चित्रपटांमध्ये सार्वत्रिक वैश्विकता हा घटक असायलाच हवा: अरविंद सिन्हा, ज्युरी अध्यक्ष (नॉन-फीचर फिल्म्स)

गोवा खबर:“डिजिटल मीडियाच्या उदयामुळे  तंत्रज्ञान सुगम्यता वाढली आहे, ज्यामुळे अनेकजण  चित्रपट निर्मितीमध्ये येत आहेत.  तंत्रज्ञान हा मुख्य घटक असला तरी, सौंदर्यशास्त्र, बुद्धीमत्ता, कौशल्ये, मूल्ये आणि परिपूर्णता या कलेचे महत्त्वपूर्ण घटक कायम असतील,” असे इंडियन पॅनोरमा नॉन-फीचर फिल्म्स ज्युरीचे अध्यक्ष अरविंद सिन्हा म्हणाले.

इंडियन पॅनोरमा नॉन-फीचर फिल्म्सच्या अरविंद सिन्हा यांच्या अध्यक्षतेखालील सात सदस्यीय ज्युरींनी आज पत्रकार परिषदेत इफ्फी 54 च्या नॉन फीचर फिल्म्स विभागात दाखवण्यात येणाऱ्या चित्रपटांबद्दल आपले मत व्यक्त केले.

ज्युरी अध्यक्ष म्हणाले की पूर्वीच्या तुलनेत आजकाल काल्पनाधिष्ठीत चित्रपटांवर अधिक भर आणि लक्ष दिले जात आहे आणि माहितीपट बनवण्याचे प्रमाण कमी झाले आहे. डिजिटल माध्यमे आणि तंत्रज्ञानाच्या शोधामुळे चित्रपट निर्मितीची सुगम्यता वाढल्यामुळे हा बदल झाला असेल असे मत त्यांनी व्यक्त केले.

अध्यक्ष म्हणाले की माहितीपटांच्या निर्मितीसाठी निधीची कमतरता आहे आणि आजकाल त्यासाठी स्वतःच निधी पुरवला जातो . माहितीपटांचा दर्जा खालावल्याचे त्यांनी स्पष्ट केले आणि आपण वास्तविकतेचे दर्शन घडवणारे उत्तम काम प्रेक्षकांसमोर आणायची गरज आहे . चांगल्या चित्रपटाच्या निर्मितीसाठी परिश्रम, मेहनत, कौशल्य आणि सिनेमॅटिक मूल्ये आवश्यक आहेत असे ते म्हणाले.

“कालबाह्य शैली टाळून आणि तरुण पिढीला अनुरूप माहिती, सामुग्री यावर लक्ष केंद्रित करून माहितीपट पुनरुज्जीवित करण्‍याची आवश्‍यकता आहे. ‘चेर्नोबिलच्या यशामुळे  आकर्षक कथनशैली गरजेची आहे,  हे अधोरेखित झाले आहे. तरुणांमध्ये डॉक्युमेंटरी म्हणजेच माहितीपट या प्रकाराची आवड निर्माण झाली आहे,’ असे ज्युरींपैकी  एक सदस्या पौशाली गांगुली यांनी ठळकपणे नमूद केले.

अखेरीस चित्रपटाचे आशय मूल्य विरुद्ध चित्रपटाची लोकप्रियता किंवा  तो किती लोकांपर्यंत पोहोचतो,  यावरील वादविवादाबद्दल बोलताना अध्यक्षांनी स्पष्ट केले की,  चित्रपटाला मूलत: ‘सिनेमॅटिक’ मूल्य असणे आवश्यक आहे. “चित्रपटामध्‍ये वैश्विकतेला सामावण्‍याची क्षमता म्हणजेच हा  एक घटक असलाच पाहिजे. त्यामुळेच तर वैश्विकता असलेला सिनेमा  राष्ट्रीय आणि आंतरराष्ट्रीय अशा सर्व  प्रेक्षकांपर्यंत पोहोचू शकतो. चित्रपटामध्‍ये असलेला  सार्वत्रिकतेचा घटकच  वंश, पंथ आणि विविधतेच्या पल्याड जावून  केवळ मानवतेला स्पर्श करतो, ” असेही  ते म्हणाले. हे सांगताना त्यांनी महान भारतीय  चित्रपट निर्माते –दिग्दर्शक  सत्यजित रे आणि अदूर गोपालकृष्णन यांचाही उल्लेख केला. या चित्रकर्त्यांच्या  चित्रपटांमध्ये सार्वत्रिकतेचे मूल्य होते आणि त्यामुळे त्यांच्या कलाकृतींनी  जागतिक प्रेक्षकांना आकर्षित करतात.

नॉन –फीचर फिल्म परीक्षक – पंच  

नॉन-फीचर फिल्म परीक्षक –पंच मंडळामध्‍ये  सात सदस्यांचा समावेश आहे.  या मंडळाचे अध्‍यक्ष प्रसिद्ध माहितीपट  चित्रनिर्माते अरविंद सिन्हा आहेत.  सिन्हा यांना 8 राष्ट्रीय पुरस्कार मिळाले असून त्यांनी अनेक आंतरराष्ट्रीय आणि राष्ट्रीय चित्रपट महोत्सवांसाठी ज्युरी –पंच  म्हणून काम केले आहे. नॉन-फीचर परीक्षक मंडळाचे सदस्य पुढील प्रमाणे आहेत.  या सर्व सदस्यांनी अनेक नावाजलेले चित्रपट बनवले आहेत. तसेच त्यांच्या स्वत:च्या  विविध चित्रपट संस्था आहेत. या  व्यवसायांचे ते प्रतिनिधित्व करतात.  तसेच  एकत्रितपणे समृद्ध आणि वैविध्यपूर्ण भारतीय चित्रपट क्षेत्राचे प्रतिनिधित्व करणारी ही मंडळी आहेत.

1.     श्री. अरविंद सिन्हा (अध्‍यक्ष)

2.     श्री. अरविंद पांड्ये

3.     श्री बॉबी वाहेंगबाम

4.     श्री. दीप भूयान

5.     श्री. कमलेश उदासी

6.     श्रीमती पौशाली गांगुली

7.     श्री. वरूण कुर्तकोटी

डिजिटल/व्हिडिओ फॉरमॅटमध्‍ये चित्रीकरण केलेले आणि डॉक्युमेंटरी/न्यूजरील/नॉन-फिक्शन/काल्पनिक चित्रपट म्हणून 70  मिनिटांपर्यंतचे कोणत्याही भारतीय भाषेत बनवलेले चित्रपट नॉन-फीचर फिल्म विभागासाठी पात्र असणार आहेत.

संवाद कार्यक्रमाचा तपशील जाणून घेण्‍यासाठी लिकं :-  https://www.youtube.com/watch?v=7MvFJFiMWEI

परीक्षक मंडळाविषयी अधिक माहिती घेण्‍यासाठी लिकं :-  https://iffigoa.org/indian-panorama-jury/en

नॉन फीचर फिल्म्स विषयी अधिक माहिती घेण्‍यासाठी लिंक :-

https://iffigoa.org/indian-panorama-feature-2023/official-selections-non-features/en