खांडोळा येथे भाऊसाहेब बांदोडकर यांना अभंग आणि भावगीतांनी भावपूर्ण श्रद्धांजली

 
गोवा खबर:गोव्याचे पहिले मुख्यमंत्री भाऊसाहेब बांदोडकर यांना त्यांच्या ५० व्या पुण्यतिथीनिमित्त संगीतमय श्रद्धांजली 
अर्पण करण्यात आली. रविवारी संध्याकाळी खांडोळा येथे गायक प्रवीण गावकर आणि त्यांच्या शिष्या पल्लवी
पाटील यांनी अभंग, भजन आणि भावगीत गाऊन श्रोत्यांना मंत्रमुग्ध केले.

कार्यक्रमाची सुरुवात पल्लवीने अतिशय भावपूर्ण, सरस्वती वंदना गाऊन केली. प्रवीण गावकर यांनी संत
एकनाथांच्या लोकप्रिय अभंगाने सुरुवात केली, ;ओंकार स्वरूप सद्गुरु समर्थ ज्याने श्रोत्यांना मंत्रमुग्ध
केले.पल्लवीने पुढे संत ज्ञानेश्वरांनी लिहिलेला मोगरा फुलला हा अतिशय मधुर अभंग सादर केला.
प्रख्यात मराठी कवी-लेखक, ग.दि. माडगूळकर यांच्या लोकप्रिय, भावगीत "या चिमण्या..या पल्लवीच्या
सादरीकरणालाही प्रचंड टाळ्या मिळाल्या. यानंतर गांवकर यांनी अनूप जलोटा यांच्या ऐसी लागी लगन
गाणे गायले. गांवकरांच्या घेई छंद मकरंदया अतिशय लोकप्रिय, मराठी नाट्यगीत सादरीकरणालाही
जोरदार प्रतिसाद मिळाला.

या दोन्ही गायकांना दत्तराज शेट्ये (तबला), विष्णू शिरोडकर (कीबोर्ड), रोहित वानकर (बासरी), सुभाष
फातर्पेकर (हार्मोनियम), किशोर तेली (पखवाज) आणि योगेश रायकर (साइड रिदम) यांनी सुरेख साथ दिली.
कृपया सोबतचा मथळा फोटो देखील प्रकाशित करा