१५ वा गोवा मराठी चित्रपट महोत्सव: दिग्गज कलाकारांची मांदियाळी

गोवा खबर:१५ व्या ‘गोवा मराठी चित्रपट महोत्सवा’ची अधिकृत पाहुण्यांची यादी जाहीर झाली असून, यंदा या महोत्सवामध्ये मराठी चित्रपटसृष्टीतील अनेक नामांकित अभिनेते, दिग्दर्शक आणि निर्माते हजेरी लावणार आहेत.

प्रमुख आकर्षणे आणि उपस्थित राहणारे कलाकार

बंडखोर’: या चित्रपटासाठी दिग्दर्शक व अभिनेते महेश मांजरेकर यांच्यासह लेखक सिद्धार्थ साळवी आणि छाया कदम, प्रियदर्शनी इंदलकर, मंगेश देसाई, पूजा कातूर्डे, नित्याश्री ज्ञानलक्ष्मी व तितीक्षा तावडे उपस्थित राहतील.

‘क्रांतिज्योती विद्यालय ‘मराठी माध्यम’: या चित्रपटाचे प्रतिनिधित्व सचिन खेडेकर करतील.

.

‘सबरबोंडा’: दिग्दर्शक रोहन कानावडे आणि अभिनेता सूरज सुमन उपस्थित राहतील.

‘तिघी’: निर्माते सुहृद गोडबोले आणि अभिनेत्री नेहा पेंडसे हजेरी लावतील.

‘सकाळ तर होऊ द्या’: अभिनेता सुबोध भावे, निर्माती नम्रता सिन्हा, अभिनेत्री मानसी नाईक आणि दिग्दर्शक आलोक जैन उपस्थित राहतील.

‘तुंबडची मंजुळा’: मकरंद अनासपुरे, जितेंद्र जोशी, दिग्दर्शक विविध कोरगावकर आणि छायाचित्रकार (cinematographer) कौशल गोस्वामी उपस्थित राहतील.

‘भूतम् भयम्’: प्रियदर्शन जाधव, छाया कदम, दिग्दर्शक रामचंद्र अरुण गावकर, महेश कोरडे, करण सोनावणे, नीर सालेकर आणि सोबिता कुडतरकर हजेरी लावतील.

इतर प्रमुख चित्रपट आणि कलाकार

‘मर्दिनी’: प्रार्थना बहेरे आणि जितेंद्र जोशी उपस्थित राहतील.

‘पिशवी’: गजेंद्र अहिरे, सुनील पडतरे आणि नचिकेत पूर्णपात्रे हजेरी लावतील.

‘आकडा’: दीप्ती धोत्रे उपस्थित राहील.

‘बोल बोल राणी’: सिद्धार्थ विंचुरकर आणि संभाजी शिवाजी सासाने उपस्थित राहतील.

‘तुला पाहता’: मयुरा प्रधान आणि मानसी पाटील हजेरी लावतील.

‘कैरी’: शंतनू रोडे, नवीन चंद्रा आणि सिद्धार्थ जाधव उपस्थित राहतील.

महोत्सवातील इतर विशेष सहभाग

या महोत्सवात ‘पोर्ट्रेट’, ‘द्विधा’, ‘गोंधळ’, ‘दुकान’, ‘बाप्या’, ‘मॅगझिन’, ‘अगा अगा सूनबाई काय म्हणता सासूबाई’, ‘उत्तर’, ‘स्नो फ्लॉवर’, ‘पांघरूण’ आणि ‘तो ती आणि फूजी’ या चित्रपटांचे संघदेखील सहभागी होणार आहेत.

याशिवाय भूषण प्रधान, मानसी कुलकर्णी, किशोर कदम, इशिता देशमुख, सीमा बिश्वास, नेहा जोशी, केदार शिंदे, रेणुका शहाणे, मेधा मांजरेकर आणि मृण्मयी गोडबोले यांसारख्या अनेक दिग्गज व्यक्तींची उपस्थिती महोत्सवाला लाभणार आहे.

हा चित्रपट महोत्सव मराठी चित्रपटसृष्टीतील अष्टपैलू प्रतिभा एकाच छताखाली आणणार असून, प्रेक्षकांना आपल्या आवडत्या कलाकारांशी व चित्रपट निर्मात्यांशी थेट संवाद साधण्याची उत्तम संधी मिळणार आहे.