गोवा खबर : राष्ट्रीय स्टार्टअप दिन २०२५ निमित्त, गोवा सरकारच्या माहिती तंत्रज्ञान, इलेक्ट्रॉनिक्स आणि कम्युनिकेशन्स (डीआयटीई अँड सी) खात्याअंतर्गत स्टार्टअप आणि आयटी प्रमोशन सेलने (एसआयटीपीसी) पणजीतील फॉर्च्युन मिरामार येथे एका कार्यक्रमाचे आयोजन केले होते. या कार्यक्रमाला आयटी, इलेक्ट्रॉनिक्स आणि कम्युनिकेशन खात्याचे संचालक प्रसन्न आचार्य, आयएएस, यांच्यासह डॉ. मिलिंद साखरदांडे, डीआयटीई अँड सी खात्याचे सहसंचालक; निजानंद वस्त, उपसंचालक (आयटी); प्रियतमा पाटील, सहायक संचालक (आयटी); नेविल नोरोन्हा, आयटी, इलेक्ट्रॉनिक्स आणि कम्युनिकेशन मंत्र्यांचे ओएसडी; आणि डी. एस. प्रशांत, स्टार्टअप आणि आयटी प्रमोशन सेलचे सीईओ व अन्य मान्यवर उपस्थित होते.
गोव्याच्या स्टार्टअप परिसंस्थेमधील उद्योजक, नवोदित, मार्गदर्शक आणि भागधारक, कल्पनां व ज्ञानाची देवाणघेवाण करण्यासाठी आणि सहकार्याच्या संधी शोधण्यासाठी एकत्र आले होते.
या कार्यक्रमाची सुरुवात स्टार्टअप आणि आयटी प्रमोशन सेलचे सीईओ डी. एस. प्रशांत यांच्या सादरीकरणाने झाली. त्यांनी स्टार्टअप क्षेत्रातील गोव्याच्या प्रगतीवर प्रकाश टाकला. त्यांनी सांगितले, की राज्यात ५७० डीपीआयआयटी -मान्यताप्राप्त स्टार्टअप्स, २५५ एसआयटीपीसी -प्रमाणित स्टार्टअप्स आणि २७० स्टार्टअप्स महिला संचालकांच्या नेतृत्वाखाली आहेत, ज्यातील ४०% हे प्रारंभिक व्यवहार किंवा स्केलिंग टप्प्यावर आहेत.
गोव्याच्या स्टार्टअप्सनी खाजगी निधीतून १३०० कोटी रुपये उभे केले आहेत आणि त्यांना १५ कोटी सरकारी अनुदानातून (केंद्र आणि राज्य) मिळाले आहेत. श्री. प्रशांत यांनी गोवा स्टार्टअप धोरण २०२४ च्या उद्दिष्टांची रूपरेषा देखील सांगितली. २०२७ पर्यंत १,००० स्टार्टअप्सना समर्थन देण्याचे ध्येय ठेऊन, गोव्याला नाविन्यपूर्ण आणि उद्योजकतेचे केंद्र म्हणून स्थापित करण्याचे या धोरणाचे उद्दिष्ट आहे.
या कार्यक्रमात बोलताना, गोवा सरकारच्या डीआयटीई अँड सी खात्याचे संचालक, प्रसन्न आचार्य, आयएएस यांनी गोव्याच्या भविष्यातील योजनांवर भर दिला. “या राष्ट्रीय स्टार्टअप दिन २०२५ निमित्त, आम्ही गोव्याच्या स्टार्टअप परिसंस्थेच्या वाढीवर आणि संधी निर्माण करण्यामध्ये त्याची भूमिका यावर लक्ष देतो. आमच्या उद्दिष्टांमध्ये गोव्यासाठी १०,००० नोकऱ्या निर्माण करणे आणि किमान १०० स्टार्टअप्ससाठी उपक्रम निधी सुलभ करणे, याचा समावेश आहे. सहा इनक्यूबेटर, १५ हून अधिक को-वर्किंग जागा, स्टार्टअप कॅफे आणि व्हेंचर स्टुडिओ यांचा समावेश असलेल्या पायाभूत सुविधांसह, प्रत्येक टप्प्यावर स्टार्टअपला समर्थन देणारी एक परिसंस्था तयार करण्यावर आम्ही लक्ष केंद्रित करत आहोत,” असे ते म्हणाले.
या कार्यक्रमात स्टार्टअप्ससाठी व्यावहारिक अंतर्दृष्टी प्रदान करण्याच्या उद्देशाने कार्यशाळा झाली. प्रमाणित बिझनेस कोच आणि माइंडमाइन्सच्या संस्थापक नम्रता चावला यांनी सुरुवातीच्या टप्प्यातील उत्पादन विकास आणि किमान व्यवहार्य उत्पादन (एमव्हीपी) या संकल्पनेवर एका सत्राचे नेतृत्व केले. त्यांनी एकच प्रमुख वैशिष्ट्य ओळखण्याच्या आणि परिष्कृत करण्याच्या महत्त्वावर लक्ष केंद्रित केले, जे आपल्या उत्पादनाला वेगळे बनवेल. त्यांनी किंमतीबद्दलचा आपला दृष्टीकोन देखील सामायिक केला आणि सांगितले, की “जे उत्पादन आहे त्यासाठी शुल्क आकारू नका; उत्पादन काय असेल यासाठी शुल्क आकारावे.” त्यांनी मानसशास्त्राच्या पार्श्वभूमीतून स्पष्ट केले, की मानवी वर्तन समजून घेणे हे किंमत धोरण, ग्राहक प्रतिबद्धता आणि व्यावसायिक निर्णयांवर प्रभाव पाडू शकते.
निधी उभारणीवर एक कार्यशाळा वर्षा अदुसुमिली, सह-संस्थापक, के स्टार्ट यांच्याद्वारे घेण्यात आली. हा कलारी कॅपिटल आणि माजी संस्थापक उपाध्यक्ष, युअर स्टोरी मीडिया द्वारे $१० मिलियन संरचित निधी होता. या कार्यशाळेने फंडिंग परिसंस्थेविषयी माहिती प्रदान केली आणि सहभागींना निधी पुरवठा पर्यायांचा प्रभावीपणे शोध घेण्यासाठी, आवश्यक असलेल्या धोरणांसह त्यांना सुसज्ज केले. या विषयांमध्ये योग्य गुंतवणूकदार शोधणे, निधी उभारण्यासाठी धोरणे, भांडवल समजून घेणे आणि प्रभावी स्तर तयार करणे, हे समाविष्ट आहे. यात सहभागींनी, निधी उभारणी प्रक्रियेत विविध विषयांमध्ये माहिती प्राप्त केली.
या कार्यक्रमात स्थानिक उद्योजकांद्वारे नवनवीन उपाय देखील प्रदर्शित करण्यात आले. सोलो नेटवर्कच्या प्रकल्प व्यवस्थापक शिवोना फर्नांडिस यांनी इंटर्नशिप आणि मेंटॉर फाइंडर ॲपचे प्रात्यक्षिक दाखवले, तर केवायपी सोल्यूशन्सचे सह-संस्थापक सिद्धार्थ गोयल यांनी संस्थापकांना त्यांची ताकद दाखवून आणि त्यात सुधारणा घडवून आणण्यासाठी पर्याय समजून घेण्यास मदत करण्यासाठी, कौशल्य मूल्यांकन साधन सादर केले.
राष्ट्रीय स्टार्टअप दिन २०२५ ने उद्योजकांना अत्यावश्यक कौशल्ये शिकणे आणि त्यांनी सुसज्ज करण्यासाठी माध्यमे उपलब्ध करून, स्टार्टअप हब म्हणून गोव्याची क्षमता दाखवली. कार्यशाळा, उत्पादन प्रात्यक्षिक आणि नेटवर्किंगच्या माध्यमातून, या कार्यक्रमाने नाविन्यपूर्णता, डिजिटल परिवर्तनाला चालना देण्यासाठी आणि स्टार्टअप्स व तंत्रज्ञान व्यवसाय फलदायी करणारी परिसंस्था तयार करण्यास गोव्याच्या वचनबद्धतेला बळकटी दिली.
