गोवा खबर: गोवा पर्यटनाने ५ ते ७ नोव्हेंबर या दरम्यान आयोजित वर्ल्ड ट्रॅव्हल मार्केट (डब्ल्यूटीएम) लंडन २०२४ मध्ये आपल्या सादरीकरणाने कायमस्वरूपी छाप पाडली आणि गोव्याला सांस्कृतिक वारसा, अध्यात्म आणि नैसर्गिक सौंदर्याने समृद्ध, असे गंतव्यस्थान म्हणून सादर केले आहे. गोव्याच्या दालनाने अभ्यागतांना चिरस्थायी आणि पुनरुत्पादक पर्यटन, खोलवर रुजलेल्या परंपरा तसेच विविधतेसह राज्याची बांधिलकी दाखवून, एक तल्लीन करणारा अनुभव दिला आहे.
पर्यटन, माहिती तंत्रज्ञान, इलेक्ट्रॉनिक्स आणि कम्युनिकेशन्स, मुद्रण आणि स्टेशनरी मंत्री, श्री. रोहन ए. खंवटे यांच्या नेतृत्वाखाली गोवा पर्यटन शिष्टमंडळ, श्री. संजीव आहुजा, आयएएस, पर्यटन सचिव; श्री. संदिप जॅकीस, आयएएस, सचिव (सेंट फ्रान्सिस झेवियर प्रदर्शन); श्री. कुलदीप आरोलकर, उपसंचालक, पर्यटन खाते आणि श्री. शॉन मेंडिस, पर्यटन मंत्र्यांचे ओएसडी या सर्वांनी गोव्याच्या पर्यटन ध्येयाला पुढे नेणारे संबंध प्रस्थापित करण्यासाठी, जागतिक औद्योगिक नेत्यांसोबत संवाद साधला. यातील मुख्य चर्चा जबाबदार पर्यटन, सांस्कृतिक अनुभव आणि अद्वितीय सेवांवर केंद्रित होती, ज्यामुळे गोव्याला जागतिक स्तरावर भेट देण्यास पर्यटक इच्छुक असतात.
या कार्यक्रमाचा भाग म्हणून, गोव्याच्या शिष्टमंडळाने शारजाह इंटरनॅशनल मरीन स्पोर्ट्स क्लब दालनासह, इतर प्रमुख दालनांना भेट दिली. याव्यतिरिक्त, साऊदी दालनाला भेट दिल्याने, फलदायी देवाणघेवाण झाली, जिथे पर्यटन मंत्री श्री. रोहन ए. खंवटे आणि गोवा पर्यटनाच्या प्रतिनिधींनी जागतिक पर्यटन भागीदारी वाढवण्याच्या उद्देशाने, सहयोगी संधींवर लक्ष केंद्रित केले.
गोवा पर्यटनाच्या दालनाने अनेक मान्यवर अतिथींचे स्वागत केले, ज्यात पर्यटन मंत्री आणि साऊदी पर्यटन प्राधिकरणाचे अध्यक्ष महामहिम अहमद अल-खतीब आणि भारत सरकारचे केंद्रीय सांस्कृतिक आणि पर्यटन मंत्री, श्री. गजेंद्र सिंग शेखावत यांचा समावेश होता. महामहिम, केंद्रीय मंत्री श्री. गजेंद्र सिंह शेखावत आणि पर्यटन मंत्री श्री. रोहन ए. खंवटे यांच्याशी अर्थपूर्ण चर्चेत गुंतले आणि पर्यटनाला उन्नत करण्यासाठी सहयोगी मार्गांवर लक्ष केंद्रित करून चर्चा केली.
या प्रसंगी गोवा पर्यटनाला ऑपेरा गायक ऑस्कर कास्टेलिनो यांच्यासह गोवा समुदायामधील प्रतिष्ठित व्यक्तींनी भेट दिली. यात गोवा युकेचे पीआर संचालक, क्लोई दे मेंडोंन्सा; गोवा यूकेचे अध्यक्ष रवी वाझ आणि यूकेचे माजी गृहसचिव सुएला ब्रेव्हरमन यांचे वडील, ख्रिस फर्नांडिस यांनी भेट दिली. त्यांच्या भेटीने गोव्यासाठी एक खोल भावना जागृत केली, ज्याने गोव्याच्या समुदायाला सीमा ओलांडून देखील एकत्र जोडत असलेल्या, मजबूत संबंधाची पुष्टी केली.
गोवा दालनाने “गोवा बियाँड बीचेस” आणि पुनरुत्पादक पर्यटन उपक्रमांचे प्रदर्शन केले, ज्यात अभ्यागतांना गोव्याचे साहस, वेलनेस, आध्यात्मिक आणि अंतर्गत पर्यटन सेवा शोधण्यासाठी प्रोत्साहित करण्यात आले. या सादरीकरणाने शाश्वत विकासाला चालना देताना, गोव्याच्या नैसर्गिक आणि सांस्कृतिक संपत्तीचे जतन करण्याच्या वचनबद्धतेवर भर दिला.
पर्यटन मंत्री, श्री. रोहन ए. खंवटे यांनी गोव्यातील अद्वितीय सेवा आंतरराष्ट्रीय प्रेक्षकांसमोर प्रदर्शित केल्याबद्दल अभिमान व्यक्त केला. ते म्हणाले, की “डब्ल्यूटीएम लंडन हे, आमच्या राज्यातील वैविध्यपूर्ण आणि समृद्ध पर्यटन सेवा दाखविण्यासाठी एक अविश्वसनीय व्यासपीठ आहे. यामुळे जागतिक पर्यटन पुढाऱ्यांशी संपर्क साधण्याची, मौल्यवान जोडणी तयार करण्याची आणि एक दोलायमान, सांस्कृतिकदृष्ट्या समृद्ध गंतव्यस्थान म्हणून, गोव्याची ओळख सामायिक करण्याची संधी मिळाली. आमचे उद्दिष्ट समुद्रकिनाऱ्यांच्या पलीकडील गोव्याचे प्रदर्शन करणे, प्रवाशांना राज्याचा वारसा, अध्यात्म आणि शाश्वत सेवांचा अनुभव घेण्यासाठी आमंत्रित करणे, हे होते. हे घटक एक अद्वितीय आणि अविस्मरणीय अनुभव देण्यासाठी होते.”
पर्यटन सचिव, श्री. संजीव आहुजा, आयएएस, यांनी ही भावना प्रतिध्वनीत करत गोव्याने जागरूक प्रवाशांना केलेल्या आवाहनावर जोर दिला. ते म्हणाले, की “डब्ल्यूटीएम लंडनमधील आमची उपस्थिती ही जगाला गोव्याच्या अस्सलतेचा आस्वाद देण्यासाठी होती. सांस्कृतिक सादरीकरणापासून ते इको-फ्रेंडली उपक्रमांपर्यंत, अर्थपूर्ण आणि जबाबदार प्रवासाला महत्त्व देणाऱ्यांशी संपर्क साधण्याचा आमचा उद्देश होता.”
डब्ल्यूटीएम लंडनमध्ये गोवा पर्यटनाच्या सहभागाने, राज्याच्या विशिष्ट पर्यटन सेवांमध्ये वाढीव रूची निर्माण केली आहे. नैसर्गिक सौंदर्य, सांस्कृतिक समृद्धता आणि गोव्याला एक गंतव्यस्थान बनवणाऱ्या, विकसित-विचारांच्या प्रयत्नांचे येथे आलेल्या पर्यटकांनी मनभरून कौतुक केले.
