१७  आणि १८ मे रोजी कला अकादमीत राज्यस्तरीय आंबा शोचे आयोजन 

गोवा खबर:गोवा सरकारच्या कृषी संचालनालयातर्फे गोव्यात १७-१८ मे २०२४ रोजी कला अकादमी येथे दोन दिवसीय राज्यस्तरीय आंबा शोचे आयोजन केले आहे, ज्याचा उद्देश गोव्यात लागवड केलेल्या विविध स्थानिक आंब्याच्या जाती ओळखणे आणि त्यांची देखभाल करणे असा आहे. आंबा शो आंबा क्षेत्र वाढविण्यासाठी, दर्जेदार उत्पादन आणि मार्केटिंगसाठी एकात्मिक दृष्टीकोन सुलभ करील आणि शेतकऱ्यांना योग्य परतावा मिळावा असा उद्देश आहे.

शो दरम्यान राज्यात लागवड केलेल्या आंब्याच्या विविध जाती प्रदर्शित केल्या जातील. आंबा उत्पादन तंत्रज्ञान, विपणन आणि आंब्याच्या इतर बाबींवर प्रात्यक्षिके, कार्यशाळा, सेमिनार आयोजित केले जाईल. गोव्याच्या विविध जाती, संकरित जाती, घोटा, विदेशी जाती आणि इतर भारतीय जातींच्या आंब्याच्या फळांच्या स्पर्धा या प्रदर्शनादरम्यान घेण्यात येणार आहेत.

गोवा राज्यात आंब्याची झाडे लावलेले कोणतेही शेतकरी, वैयक्तिक, निम-सरकारी संस्था प्रदर्शन आणि स्पर्धांमध्ये भाग घेण्यास पात्र आहेत. सहभागी कितीही प्रवेशिका सादर करू शकतात आणि प्रत्येक प्रवेशामध्ये किमान ३ आंबे असावेत. कोणतेही प्रवेश शुल्क आकारले जाणार नाही. प्रत्येक श्रेणीतील सर्वोत्तम तीन प्रवेशांसाठी रोख पारितोषिके दिली जातील. सर्व सहभागींना प्रमाणपत्रे दिली जातील. प्रवेशिका १६ मे २०२४ रोजी सायंकाळी ५.०० वाजण्यापूर्वी जवळच्या विभागीय कृषी कार्यालयात सादर कराव्यात किंवा १७ मे २०२४ रोजी सकाळी १०.३० वाजण्यापूर्वी थेट कार्यक्रमस्थळी सादर केल्या जाऊ शकतात.

फळे आणि आंबा मूल्यवर्धित उत्पादने – (लोणचे, जाम, ज्यूस, लेदर इ.) साठीही स्पर्धा घेण्यात येतील.

शो दरम्यान विविध स्पर्धांमध्ये सहभागी होण्यास इच्छुक असलेल्या शेतकरी, व्यक्ती, संस्था यांनी प्रवेश अर्ज, नियम आणि इतर तपशीलासाठी जवळच्या विभागीय कृषी कार्यालयातून मिळवू शकतात किंवा www.agri.goa.gov.in या वेबसाइटला भेट देऊ शकतात.