गोवा खबर:नॅशनल असोसिएशन ऑफ पॅलिएटिव्ह केअर फॉर आयुष अँड इंटिग्रेटिव्ह मेडिसिन आणि ऑल गोवा सीनियर सिटिझन्स फेडरेशन ऑफ गोवा यांच्या संयुक्त विद्यमाने ऊर्जा ट्रेनिंग अँड रिसर्च अकादमीचे प्रतिनिधित्व करणाऱ्या ऊर्जा वेलनेस सेंटरने 13 एप्रिल 2024 रोजी ज्येष्ठ नागरिकांसाठी कान, नाक आणि घशाच्या विकारांचे निदान करण्यासाठी आरोग्य शिबिराचे आयोजन केले होते.ऊर्जा वेलनेस सेंटर, मडगाव येथे सकाळी 9.30 ते दुपारी 12.30 पर्यंत नॅशनल असोसिएशन ऑफ पॅलिएटिव्ह केअर फॉर आयुष अँड इंटिग्रेटिव्ह मेडिसिनच्या सरचिटणीस डॉ. स्नेहा भागवत यांनी उपस्थितांना मार्गदर्शन केले.
ऑल गोवा ज्येष्ठ नागरिक महासंघाचे अध्यक्ष श्री. डिओगो एम. दा कोस्टा यांनी ऊर्जा वेलनेस सेंटरचे सल्लागार आणि ईएनटी तज्ञ डॉ. प्रणव भागवत यांची ओळख करून दिली. डॉ. स्नेहा भागवत यांनी उपस्थितांचे स्वागत करून उपस्थितांची ओळख करून दिली. डॉ. प्रणव भागवत यांनी मेळाव्याला ईएनटी रोगांचे प्रतिबंध आणि आजच्या युगात त्याची नितांत गरज यावर मार्गदर्शन केले. जवळपास ४५ ज्येष्ठ नागरिकांनी शिबिरासाठी आपला सहभाग दर्शविला.
त्यानंतर मूलभूत आरोग्य तपासणी आणि श्रवण अक्षमतेसाठी मोफत तपासणी तसेच आवश्यक रुग्णांसाठी मोफत ऑडिओमेट्री चाचणी करण्यात आली. अखिल गोवा ज्येष्ठ नागरिक महासंघाचे सरचिटणीस निक कुलासो आणि अखिल गोवा ज्येष्ठ नागरिक महासंघाचे कोषाध्यक्ष श्री दीपक व्ही. शेणई हेही यावेळी उपस्थित होते. आभार प्रदर्शन ॲड. निक कुलासो यांनी केले..
