२६ मार्च ते ८ एप्रिल दरम्यान गोवा अनुभवणार शिगमोत्सव महोत्सव २०२४ चा जल्लोष

गोवा खबर :शिगमोत्सवाचा वार्षिक सोहळा २६ मार्च ते ८ एप्रिल २०२४ दरम्यान होणार आहे. या कालावधीत अनुक्रमे फोंडा, कळंगुट, साखळी, वाळपई, पर्वरी, डिचोली, काणकोण, पेडणे, वास्को, शिरोडा, कुडचडे, केपे, धारबांदोडा, मडगाव, म्हापसा, सांगे आणि कुंकळ्ळी येथे पारंपरिक मिरवणूक होणार आहे.

शिगमोत्सव मिरवणूक ज्या ठिकाणी मार्गस्थ होते तेथे उत्सवाशी निगडित आपल्या अनोख्या चालीरीती आणि परंपरा पुढे आणते. राजधानी पणजीमध्ये रोमटामेळ, घोडेमोडणी, धनगर नृत्य, गोफ, मोरुलो या पारंपरिक नृत्यांसह भव्य मिरवणूक होते. प्रकाश आणि ध्वनीचा वापर करत राक्षसांविरूद्ध देवांच्या विजयी लढायांच्या मनोरंजनासह रामायण आणि महाभारतापासून प्रेरित पौराणिक दृश्यांवर आधारित या मिरवणूक सजलेल्या असतात.

शिगमोत्सवात चित्ररथ मिरवणूक एक दृश्य देखावा आहे, ज्यामध्ये सहभागी मोठ्या रंगाचे ध्वज आणि विविध सांस्कृतिक वेशभूषा धारण करून विस्तृत दागिन्यांनी सजलेले असतात. ढोल (गोव्याचे पारंपारिक वाद्य) च्या तालामुळे एक उत्सवी वातावरण निर्माण होते, उत्साह आणि आनंदाची भावना निर्माण होते. शिगमोत्सवाचा प्रत्येक घटक गोव्याच्या जीवनाची आणि परंपरांची झलक देतो. पर्यटकांना स्थानिक लोकांशी संवाद साधण्यास, समृद्ध सांस्कृतिक उत्सवांचे साक्षीदार होण्यास तसेच आणि गोव्याबद्दल त्यांचे ज्ञान वाढण्यास मदत होते. ज्यामुळे प्रत्येक सहल खरोखर समृद्ध करणारा अनुभव बनते.

शिगमोत्सव मिरवणुकीचे वेळापत्रक खालील प्रमाणे: फोंडा – २६ मार्च, कळंगुट – २७ मार्च, साखळी – २८ मार्च डिचोली – २९ मार्च, पणजी – ३० मार्च, पर्वरी – ३१ मार्च २०२४ पेडणे – १ एप्रिल, काणकोण – २ एप्रिल,  वास्को – ३ एप्रिल, शिरोडा / कुडचडे – ४ एप्रिल, केपे / धारबांदोडा – ५ एप्रिल, मडगाव – ६ एप्रिल २०२४ म्हापसा / सांगे – ७ एप्रिल, कुंकळ्ळी / वाळपई – ८ एप्रिल २०२४