चोखा राम गर्ग यांचा सत्कार

 गोवा खबर:राज्याबाहेर बदली झालेले सहकार सचिव श्री चोखा राम गर्गआयएएस यांचा राज्य प्रशासनातील सेवेबद्दल आज सत्कार करण्यात आला.

सहकार संकुल येथे झालेल्या सत्कार समारंभाचे प्रमुख पाहुणे सहकार मंत्री श्री सुभाष शिरोडकर यांनी श्री गर्ग यांच्या गोव्यातील सहकार चळवळीत दिलेल्या योगदानावर प्रकाश टाकला. श्री गर्ग खूप प्रेमळ आणि सकारात्मक आहे आणि असा उच्च नोकरशाहीमध्ये सापडणे दुर्मिळ आहे अशी त्यांची प्रशंसा श्री शिरोडकर यांनी केली.

श्री शिरोडकर यांनी चांगली कार्यसंस्कृती आत्मसात करण्याचे महत्त्व प्रतिपादले आणि श्री गर्ग यांच्या अनुकरणीय कार्यसंस्कृतीबद्दल आणि त्यांच्यासोबत काम करणाऱ्या लोकांना प्रेरणा मिळाल्याबद्दल  श्री गर्ग यांचे कौतुक केले.

गोवा राज्य सहकारी बँकेचे अध्यक्ष श्री उल्हास फळदेसाई यांनी श्री गर्ग जेव्हाही त्यांच्याशी संपर्क साधतात तेव्हा त्यांचा त्यांच्याबद्दल नेहमीच सकारात्मक दृष्टिकोन असतो आणि शिकण्याची आणि ज्ञान वाढविण्याची त्यांची आकांक्षा त्यांच्याकडून शिकण्यासारखी आहे असे सांगितले.

गोवा राज्य सहकारी संघाचे अध्यक्ष श्री श्रीकांत नाईक यांचेही यावेळी भाषण झाले.

श्री गर्ग यांनी त्यांच्या टीमवर्कसाठी सहकार खात्याचे आभार मानले आणि त्यांच्यासोबत काम करणे हे एका कुटुंबासारखे असल्याचे सांगितले.

सुरवातीस सहकार संस्थांचे निबंधक श्री अरविंद खुटकर यांनी आपल्या स्वागतपर भाषणात श्री गर्ग यांच्या कामगिरीवर प्रकाश टाकला.

सहायक निबंधक श्री रुपेश कोरडे यांनी आभार मानले.