२१ ऑक्टोबर रोजी पोलीस स्मृती दिन

गोवा खबर:देशाच्या आणि नागरिकांच्या सेवेसाठी आपल्या प्राणांचे बलिदान देणाऱ्या पोलीस जवानांच्या स्मृतीप्रित्यर्थ, २१ ऑक्टोबर २०२६ रोजी सकाळी ८.०० वाजता पणजी येथील पोलीस मुख्यालय मैदानावर 'पोलीस स्मृती दिन' कार्यक्रम होणार आहे. दरवर्षी २१ ऑक्टोबर रोजी, कृतज्ञ राष्ट्र अशा दहा शूर पोलीस जवानांच्या बलिदानाचे स्मरण करते, ज्यांनी जम्मू-काश्मीरमधील लडाख येथील 'हॉट स्प्रिंग्स' येथे आपल्या मातृभूमीची अखंडता जपताना प्राणार्पण केले होते. अक्साई चीन भागात भारतीय सीमेचे उल्लंघन करणाऱ्या चिनी सैनिकांनी घातलेल्या अचानक हल्ल्यात हे पोलीस जवान शहीद झाले होते.

         १९५९ च्या मध्यापासून, चिनी सैनिकांच्या घुसखोरीमुळे सीमावर्ती भाग अचानक तणावपूर्ण बनला होता. २१ ऑक्टोबर रोजी, डीसीआयओ करम सिंग यांच्या नेतृत्वाखालील पोलीस पथकावर, स्वयंचलित शस्त्रे आणि मोर्टारने सज्ज असलेल्या चिनी सैनिकांनी अचानक हल्ला केला. केवळ रायफलींसारखी साधी शस्त्रे असलेल्या भारतीय पोलिसांनी शेवटपर्यंत धैर्याने लढा दिला, परंतु अखेरीस शत्रूच्या बलाढ्य शक्तीसमोर त्यांना माघार घ्यावी लागली. या घटनेत १० पोलीस जवान शहीद झाले, तर ९ जणांना चिनी सैनिकांनी कैद केले.

        भारतीय भूमीवर चिनी सैन्यासोबत झालेल्या या असमान संघर्षात शहीद झालेल्या पोलीस जवानांच्या बलिदानाबद्दल संपूर्ण देशाने शोक व्यक्त केला. १३ नोव्हेंबर रोजी चिनी सैन्याने शहीद जवानांचे मृतदेह परत केले आणि दुसऱ्या दिवशी सकाळी ८:०० वाजता लडाखमधील 'हॉट स्प्रिंग्स' येथे त्यांच्यावर अंत्यसंस्कार करण्यात आले. या शूर जवानांच्या बलिदानाला आदरांजली वाहण्यासाठी देशातील प्रत्येक जिल्हा मुख्यालयात पोलीस दलातर्फे विशेष परेड आयोजित केली जाते.

पुढे, १९६० मध्ये भारतातील सर्व पोलीस संघटनांच्या प्रमुखांनी कर्तव्य बजावताना शहीद झालेल्या पोलीस जवानांच्या स्मृतीप्रीत्यर्थ दरवर्षी २१ ऑक्टोबर हा दिवस संपूर्ण भारतातील पोलीस दलांमध्ये ‘पोलीस स्मृती दिन’ म्हणून पाळण्याचा निर्णय घेतला. २१ ऑक्टोबर २०२१ रोजी, प्रधान मंत्र्यांनी नवी दिल्लीतील चाणक्यपुरी येथे ‘राष्ट्रीय पोलीस स्मारक’ राष्ट्राला समर्पित केले.   

        गोवा पोलीस दलही गोव्यातील जनतेची निस्वार्थपणे सेवा करताना आणि अशी सेवा करताना आपला जीव गमावला आहे. 'पोलीस  स्मृती दिना'च्या निमित्ताने, हेड कॉन्स्टेबल स्वर्गीय श्री. बलराम बी. शिंदे, पोलीस उपनिरीक्षक स्व. श्री. अभिषेक शेर-अली परवेझ गोम्स, पोलीस कॉन्स्टेबल स्व. श्री. शैलेश के. गावकर आणि पोलीस कॉन्स्टेबल स्वर्गीय श्री. विश्वास बी. देयकर यांना आदरांजली अर्पण केली जाईल.