गोवा खबर
पणजीत ऑक्टोबर महिन्यात विक्रमी उष्णतेचा तडाखा; तापमान ३६.३ अंशांवर, १८ वर्षांतील दुसऱ्या क्रमांकाची नोंद
गोवा खबर : गोव्यात ऑक्टोबर महिन्यात उष्णतेचा तडाखा वाढला असून राजधानी पणजीत सोमवारी कमाल तापमान ३६.३ अंश सेल्सिअस नोंदवण्यात आले. हे तापमान सरासरीपेक्षा तब्बल ४.८ अंश सेल्सिअसने अधिक आहे. गेल्या १८ वर्षांतील ऑक्टोबर महिन्यातील हे दुसऱ्या क्रमांकाचे सर्वाधिक कमाल तापमान ठरले आहे.
नैऋत्य मोसमी पावसाने यंदा लवकर माघार घेतल्यामुळे गोव्यात उष्णतेचे प्रमाण वाढले आहे. ऑक्टोबर महिन्यातही उन्हाचा कडाका कायम असल्याने राज्यात उष्ण आणि दमट हवामानाची स्थिती निर्माण झाली आहे.
सोमवारी पणजीत नोंदवलेले ३६.३ अंश सेल्सिअस तापमान हे ऑक्टोबर महिन्यातील गेल्या १८ वर्षांतील दुसरे सर्वाधिक तापमान असल्याने यंदाच्या उष्णतेची तीव्रता स्पष्ट झाली आहे.
दरम्यान, गोव्यात नैऋत्य मोसमी पावसाने लवकर माघार घेतल्यानंतर उष्णतेचा प्रभाव कायम असून ऑक्टोबर महिन्यातील तापमानवाढ लक्षवेधी ठरली आहे.