गोवा खबर : ज्येष्ठ अभिनेते नाना पाटेकर (७५) यांच्या मृत्यूचे कारण शवविच्छेदन अहवालातून स्पष्ट झाल्याची माहिती समोर आली आहे. अहवालानुसार, हृदयाला रक्तपुरवठा करणाऱ्या मुख्य धमनीमध्ये रक्ताची गुठळी तयार झाल्याने त्यांना तीव्र हृदयविकाराचा झटका आला आणि त्यांचा मृत्यू झाला.
वैद्यकीय निष्कर्षानुसार, नाना पाटेकर यांचा मृत्यू ‘अ‍ॅक्यूट मायोकार्डियल इन्फार्क्शन’ (Acute Myocardial Infarction) म्हणजेच तीव्र हृदयविकाराच्या झटक्यामुळे झाला. हृदयाच्या डाव्या मुख्य कोरोनरी धमनीमध्ये रक्ताची गुठळी तयार झाली होती. धमनीमध्ये चरबीचे थर साचून रक्तवाहिन्या अरुंद किंवा बंद होण्याच्या आजारामुळे ही स्थिती निर्माण झाल्याचे अहवालात नमूद करण्यात आले आहे.
शवविच्छेदनातील निष्कर्षांनुसार मृत्यू नैसर्गिक कारणामुळे झाल्याचे स्पष्ट करण्यात आले आहे.
८ ऑक्टोबर रोजी नाना पाटेकर यांना दोनापावला येथील मणिपाल रुग्णालयात आणण्यात आले होते. मात्र, रुग्णालयात दाखल करण्यापूर्वीच त्यांचा मृत्यू झाल्याचे डॉक्टरांनी घोषित केले होते.
दरम्यान, नाना पाटेकर यांच्या मृत्यूबाबत कोणताही संशय नसल्याचे त्यांच्या कुटुंबीयांनी स्पष्ट केले आहे. कोणत्याही घातपाताची शंका कुटुंबीयांनी व्यक्त केलेली नाही.
शवविच्छेदनाच्या निष्कर्षांमुळे त्यांच्या मृत्यूच्या वैद्यकीय कारणाबाबत स्पष्टता आल्याचे सांगण्यात येत आहे.
