गोवा खबर
विरोधी आमदारांच्या बैठकीबाबत कोणतीही माहिती नसल्याचाविजय सरदेसाई यांचा दावा
स्पष्टीकरण;
गोवा खबर: गोवा फॉरवर्ड पक्षाचे अध्यक्ष तथा आमदार विजय सरदेसाई यांनी विरोधी पक्षाच्या आमदारांच्या कथित बैठकीबाबत आपल्याला कोणतीही अधिकृत माहिती देण्यात आलेली नसल्याचे स्पष्ट केले आहे.
सोशल मीडियावरील आपल्या पोस्टमध्ये सरदेसाई यांनी म्हटले आहे की, “आज विरोधी आमदारांची कोणतीही बैठक होणार असल्याची मला कोणतीही सूचना किंवा माहिती मिळालेली नाही. या विषयाला राजकीय रंग देण्याचा कोणताही प्रयत्न हा दिशाभूल करणारा आणि पूर्णपणे चुकीचा आहे.”
यावेळी त्यांनी आपले लक्ष पूर्वीप्रमाणेच गोव्यातील जनतेच्या प्रश्नांवर केंद्रित असल्याचे सांगितले. भाजप सरकारच्या अपयशावर आवाज उठवणे आणि गोमंतकीयांवर परिणाम करणाऱ्या प्रत्येक प्रश्नावर सरकारला जबाबदार धरणे, हेच आपले प्राधान्य असल्याचे त्यांनी स्पष्ट केले.