गोवा खबर : फातोर्डाचे आमदार विजय सरदेसाई यांनी मडगाव येथील घाऊक मासे बाजाराच्या (Wholesale Fish Market) रखडलेल्या कामावरून भाजप सरकारवर कडक शब्दांत टीका केली आहे.
त्यांच्या मंत्रिपदाच्या काळात हा प्रकल्प १३.५ कोटी रुपयांमध्ये मंजूर झाला होता, परंतु आता त्याची किंमत ३२ कोटी रुपयांवर पोहोचूनही बाजार अजूनही सुरू झालेला नाही. यासोबतच, त्यांनी फातोर्डा येथील बहुउद्देशीय आयटीआय संस्थेच्या स्थलांतराला विरोध केला असून मडगाव-फातोर्डा भागात स्वतंत्र महाविद्यालयाची गरज असल्याचे प्रतिपादन केले आहे.
