गोवा खबर
गोव्यात ८ जुलैपर्यंत यलो अलर्ट; ५ जुलै रोजी मुसळधार ते अतिमुसळधार पावसाचा इशारा
गोवा खबर : गोवा हवामान केंद्राने २ जुलै ते ८ जुलै २०२६ या कालावधीसाठी प्रसिद्ध केलेल्या अद्ययावत अंदाजानुसार, उत्तर आणि दक्षिण गोवा जिल्ह्यांसाठी यलो अलर्ट जारी करण्यात आला आहे.
हवामान विभागाच्या अंदाजानुसार, २, ३, ४, ६, ७ आणि ८ जुलै रोजी राज्यातील काही ठिकाणी ४० ते ५० किमी प्रतितास वेगाने वाहणाऱ्या वाऱ्यासह जोरदार पावसाची शक्यता आहे.
तसेच, ५ जुलै रोजी उत्तर व दक्षिण गोवा जिल्ह्यांतील काही भागांमध्ये ५० ते ६० किमी प्रतितास वेगाच्या वाऱ्यासह मुसळधार ते अतिमुसळधार पावसाची शक्यता व्यक्त करण्यात आली आहे.
जिल्हानिहाय पावसाच्या अंदाजानुसार, २ ते ८ जुलै या संपूर्ण कालावधीत गोव्यात बहुतांश ठिकाणी पावसाची शक्यता हवामान विभागाने वर्तविली आहे.