पणजीत ‘हेल्थ विथ आयुर्वेद’ मोफत आरोग्य शिबिर सुरू

गोवा खबर : नागरिकांच्या आरोग्याच्या दृष्टीने ‘हेल्थ विथ आयुर्वेद – #CheckedByDoctor 2.0’ या उपक्रमांतर्गत पणजी येथे १००% आयुर्वेदिक आरोग्य शिबिराचे आयोजन करण्यात आले आहे. हे शिबिर ऊर्जा वेलनेस सेंटर (OORJA Wellness Centre) येथे ५ मे २०२६ पासून ५ जून २०२६ पर्यंत सुरू राहणार आहे.

या शिबिरामध्ये शासनमान्य तज्ञांकडून पूर्णपणे मोफत आयुर्वेदिक सल्ला, उपचार आणि औषधे उपलब्ध करून दिली जाणार आहेत. सर्वसामान्य नागरिकांसाठी पारंपरिक प्रतिबंधात्मक आरोग्यसेवा देण्याचा या उपक्रमाचा उद्देश आहे.

शिबिरात डोळे, कान-नाक-घसा विकार, अॅलर्जी, दंत समस्या यांसह केरळीय पंचकर्म, योग, डिटॉक्स थेरपी, अग्निकर्म आणि विध्धकर्म यांसारख्या उपचारांचा समावेश आहे. तसेच मधुमेह, उच्च रक्तदाब, थायरॉईड समस्या, वंध्यत्व उपचार आणि अल्झायमर सारख्या न्यूरो-डिजेनेरेटिव्ह आजारांवरही मार्गदर्शन व उपचार दिले जाणार आहेत.

‘प्रिव्हेंटिव्ह हेल्थ केअर’ या संकल्पनेवर भर देत, सर्वांसाठी सुलभ आणि विश्वासार्ह आयुर्वेदिक उपचार उपलब्ध करून देण्याचा प्रयत्न या शिबिरातून केला जात आहे.

हे शिबिर पणजी येथील एम.जी. रोडवरील हॉटेल पणजी रेसिडेन्सी, पट्टो-आल्टिन्हो परिसरात (जिल्हा व सत्र न्यायालयाजवळ) आयोजित करण्यात आले आहे. सहभागी होण्यासाठी आधार कार्ड अनिवार्य असल्याची माहिती आयोजकांनी दिली आहे.

अधिक माहितीसाठी नागरिकांनी 8208504687 या क्रमांकावर संपर्क साधावा, असे आवाहन करण्यात आले आहे.

“आरोग्याला प्राधान्य द्या – मोफत सेवांचा लाभ घ्या,” असे आवाहन आयोजकांनी केले आहे.