आडपईच्या सुयोग शिगमोत्सव मंडळाची ऐतिहासिक भरारी; ‘रोमटामेळ २०२६’ चे चॅम्पियन ठरले!

गोवा खबर : आडपई-आगापूर येथील सुयोग शिगमोत्सव मंडळाने २०२६ मधील रोमटामेळ स्पर्धांमध्ये देदिप्यमान यश संपादन केले आहे. यंदा संपूर्ण गोव्यातील तब्बल १८ स्पर्धांमध्ये सहभाग नोंदवून, सर्वाधिक स्पर्धा गाजवणारे मंडळ म्हणून सुयोग मंडळाने नवा विक्रम प्रस्थापित केला आहे. या भव्य यशामुळे मंडळाला “रोमटामेळ २०२६ चे चॅम्पियन्स” हा मानाचा किताब बहाल करण्यात आला आहे.

यशाचा आलेख: १८ स्पर्धा आणि १९ पारितोषिके

मंडळाने यंदाच्या मोसमात ९ प्रथम, ६ द्वितीय, १ तृतीय आणि २ चतुर्थ अशा एकूण १८ पारितोषिकांची कमाई केली आहे. पारितोषिकांचा सविस्तर तपशील खालीलप्रमाणे आहे:

११ वर्षांत ७ वेळा विजेतेपद

सुयोग मंडळाने सातत्य राखत गेल्या ११ वर्षांत २०१७, २०१८, २०२०, २०२२, २०२३, २०२४ आणि आता २०२६ असे एकूण ७ वेळा विजेतेपद पटकावून ऐतिहासिक कामगिरी केली आहे. विशेष म्हणजे, काही ठिकाणी एकाच दिवशी दोन स्पर्धांमध्ये सहभाग घेऊनही मंडळाने आपली उत्कृष्ट कामगिरी कायम राखली.

नावीन्यपूर्ण ‘जत’ ठरली आकर्षणाचे केंद्र

मंडळाने सादर केलेल्या वेगळ्या आणि आकर्षक शिगम्याच्या ‘जती’ (ताल/नृत्य प्रकार) प्रेक्षकांसाठी विशेष आकर्षणाचे केंद्र ठरल्या आहेत. सुयोग मंडळाच्या या नावीन्यपूर्ण सादरीकरणाची प्रेरणा घेऊन आता इतर मंडळांनीही अशा प्रकारच्या जतींचा आपल्या सादरीकरणात समावेश करण्यास सुरुवात केली आहे.

अडचणींवर मात करून यश संपादन

यंदा पर्यटन विभागाने परीक्षकांसाठी ५० हून अधिक नावे सुचवली असतानाही, अनेक स्पर्धा समित्यांनी एकाच परीक्षकांची पुनरावृत्ती केली. अशा तांत्रिक अडचणींचा सामना करूनही मंडळाने आपली गुणवत्ता सिद्ध केली.

श्रद्धांजली आणि यशाचे श्रेय

या यशाचे मुख्य श्रेय मंडळाचे मार्गदर्शक विघ्नेश गोविंद नाईक यांच्या मार्गदर्शनाला दिले जात आहे. मंडळाने हे ऐतिहासिक यश आपले दिवंगत सदस्य ब्रह्मानंद (भाई) नाईक आणि साईश आडपईकर यांना समर्पित केले आहे.

मंडळाच्या या यशाबद्दल सर्व कलाकार, पदाधिकारी आणि सदस्यांचे सर्वस्तरातून अभिनंदन होत आहे.