पणजे घेवन येता काणयांचो महासागर

पुस्तकां, विचार आनी संस्कृतीचो उत्सव

गोवा खबर : भारतांतल्या नॅशनल बुक ट्रस्ट (शिक्षण मंत्रालय) हे संस्थेन गोंय सरकार, समर्थ युवा फावंडेशन, लोकमान्य कल्चरल फावंडेशन हांच्या जोडपालवान गोंय पुस्तक महोत्सव’ पणजीच्या भाऊसाहेब बांदोडकार खेळांमैदानाचेर आयोजीत केला.

4 ते 8 फेब्रुवारी अशें सेगीत पांच दीस हो महोत्सव चलतलो. गोंयांत घडोवन येवपी हो महोत्सव म्हणल्यार पुस्तकां, विचार आनी संस्कृतीचो उत्सव. ह्या महोत्सवचे उद्घाटन गोंय राज्याचे मुखेल मंत्री डॉ. प्रमोद सावंत हांचे हस्तुकीं जातलें. तशेंच गोंय राज्याचे कला आनी संस्कृती, खेळां आनी युवा वेव्हार मंत्री रमेश तवडकार, नॅशनल बुक ट्रस्टाचे अध्यक्ष  मिलिंद सुधाकर मराठे, गोंय शिक्षण खात्याचे सचिव आय.ए.एस प्रसाद लोलयेकर, लोकमान्य कल्चरल फावंडेशनचे अध्यक्ष किरण ठाकूर, विश्वस्त आनी मुखेल संयोजक राजेश पांडे आनी नॅशनल बुक ट्रस्टाचे संचालक युवराज मलिक हांची खाशेली उपस्थिती आसतली.

आज झालेल्या पत्रकार परिषदेत नॅशनल बुक ट्रस्ट, इंडियाचे संचालक युवराज मलिक यांनी सांगले की, देशभरात पुस्तकांबद्दल आणि वाचनसंस्कृती वाढवपाचो एनबीटीचो उद्देश धरून, गोवा बुक फेस्टिव्हल राष्ट्रीय स्तरार विकसित करपाचो विचार चालू आसा. ह्या महोत्सवाक इतर राज्यांतल्या मोठ्या पुस्तक मेळ्यांसारखो स्वरूप दिवपाचो मानस आसा.

ते म्हणाले की, ह्या महोत्सवातले सगळे कार्यक्रम मोफत आनी सगळ्या लोकांक खुले आसतात. समाजाक परत एकदा पुस्तकांच्या महत्त्वाक जोडपाचो हाच मुख्य उद्देश आसा.
“गोवा बुक फेस्टिव्हलांत साहित्यिक चर्चा, सांस्कृतिक कार्यक्रम आनी ल्हान पोरांसाठी खास कार्यशाळा जुळून येतात. हो महोत्सव गोव्याच्या लोकांचो आसा आनी लोकांच्या सहकारान तो गोव्याची सर्जनशीलता, संस्कृती आनी समृद्ध परंपरा साजरी करता. येत्या एक ते दोन वर्षांत गोवा बुक फेस्टिव्हलमुळे गोवा भारतांतलो एक महत्त्वाचो साहित्य पर्यटन केंद्र जावपाचो आमकां विश्वास आसा,” अशें ते म्हणाले.

गोंय पुस्तक महोत्सव २०२६ देशभरांतल्या वाचप्यांक, लेखकांक, प्रकाशकांक, आनी विचारवंतांक एकठांय हाडटा, सगळ्या पिरायेच्या प्रेक्षकांक एक खाशेलो अणभव दिता. ह्या महोत्सवांत शंबरां वयर प्रकाशकांचे 200 पुस्तक स्टॉल आसतले, तातूंत इंग्लीश, कोंकणी, मराठी, आनी हेर भारतीय भासांचो आसपाव जाता. महोत्सवांत प्रवेश फुकट आसा, तशेंच सगळ्या पुस्तकांचेर 10% सवलत मेळटली. हो महोत्सव दर दिसा सकाळीं 11:00 ते रातीं 8:00 मेरेन उक्तो आसतलो.

गोंय: उजवाड आनी आनंदाच्यो कथा”

गोंय पुस्तक महोत्सव 2026 “गोंय: उजवाड आनी आनंदाच्यो कथा” नांवाचें खाशेलें प्रदर्शन आसतलें. नॅशनल बुक ट्रस्टान उजवाडाक हाडिल्ल्या,भुरग्यां खातीर जायतीं अभिजात साहित्यां तयार करपाक योगदान दिल्ल्या,गोंयच्या नामनेच्या कलाकारांच्या प्रतिनिधीक कलाकृतींचे प्रदर्शन जातलें. शशि शेट्ये हांच्या गोंयचे निसर्गदृश्य, परंपरा आनी थळावे आकर्षण दाखोवपी, समृद्ध भावपूर्ण अश्यो कलाकृती आनी मारिओ डी मिरांडा हांच्यो गोंयच्या जिवनाचो आत्मो दाखोवपी, विनोदी, शैलीदार आनी समाजीक आयामां आशिल्ल्या चित्रांच्या माध्यमांतल्यान, हे प्रदर्शन अभ्यासकांक गोंयची संस्कृती, कल्पनाशक्ती आनी कथाकथनाच्या दायजाचो एक दृश्यात्मक प्रवास घडयतले. ह्यो कलाकृती गोंयचे एक कलात्मक नदरेन समृद्ध चित्र दाखयतले.

पुस्तकां पलतडी: दर एका पिरायेच्या वर्गा खातीर

पुस्तकां भायर, पुस्तक महोत्सव वाचप्यांक वांटो घेवपाक आनी नवें सोदून काडपाक प्रेरीत करतलो. तरणाट्या वाचप्यांचेर खाशेलें लक्ष केंद्रीत करप म्हणल्यार भुरग्यां खातीर मजेशीर शिकपाचे उपक्रम, कठपुतळीं वांगडा कथा सांगप आनी संगीत कथा सांगपाचे सत्र, मातयेची कला कार्यशाळा, कार्टून तयार करपाच्यो कार्यशाळा, पोस्टर आनी बुकमार्क तयार करप, घोशणा बरोवप, कथा, रेखांकन कार्यशाळा, प्रस्नमाची, लोकनाच सादरीकरण आनी राउंड द रिडल सारकिले परस्पर संवादात्मक सत्र, हे सगळे कल्पनाशक्त आनी वाचनाक चालना दिवपा खातीर तशेंच भुरग्यां मदीं आवड निर्माण करपा खातीर तयार केला.

लेखका खातीर साहित्यीक सत्रांचे खाशेले आयोजन आसतले. देशभरांतले नामनेचे लेखक, पत्रकार, आनी विचारवंत नामनेचे व्यक्ती चर्चा, संवाद, विचारमंथन हांचे वरवीं प्रेक्षकां कडेन संवाद सादतले.

गोंय पुस्तक महोत्सवांत साहित्यीक सत्रांत लेखक, कलाकार, विचारवंत आदीं वांटेकार जातलें.हातूंत ज्येश्ठ पत्रकार आनी लेखक उदय माहूरकर; प्रसिद्ध अभिनेत्री, दिग्दर्शिका आनी लेखिका मृणाल कुलकर्णी; अभिनेत्री अविका गौर; ग्रुप कॅप्टन शुभांशू शुक्ला, एसी, भारतीय हवाई दलाचे चाचणी वैमानीक आनी अंतराळवीर; लेखक आनी राजकीय विश्लेशक शांतनू गुप्ता; चित्रपट निर्माते आनी विद्वान चंद्रप्रकाश द्विवेदी; इतिहासकार आनी सांस्कृतीक अभ्यासक मोहन शेटे; विदुषी आनी लेखिका मेधा खासगीवाले; पत्रकार, संपादक आनी आदले परराष्ट्र राज्यमंत्री एम. जे. अकबर; कायदेशीर तज्ञ आनी लेखक सुमंत बत्रा; अभिनेता अमोल पाराशर; ज्येष्ठ अभिनेते आनी चित्रपट निर्माते सचिन पिळगावकर; प्रसिद्ध मराठी लेखक, तत्त्वज्ञ आनी साहित्य अकादमी पुरस्कार जैतीवंत सदानंद श्रीधर मोरे; आनी लेखक, कवी आनी तत्त्वज्ञ आचार्य प्रशांत हांचो आसपाव आसा. ही सत्रां साहित्य, इतिहास, चित्रपट, अध्यात्म, सार्वजनिक जीवन आनी समकालीन विचार ह्या सारक्या विंगड विंगड विशयांचेर जातलीं

पुस्तकां, संवाद, सर्जनशीलता आनी संस्कृती हांकां एकठांय घेवन येवपी , गोंय पुस्तक महोत्सव २०२६ हो वाचकां खातीर काणयांचो एक महासागर . ह्या महोत्सवांत लोकांनी वांटेकार जावचें,नवीन संवसाराचो सोद घेवंचो, आपल्या आवडट्या लेखकांची भेट घेवची आनी वाचनाचो आनंद घेवचो अशें आयोजकांनी कळीत केला.