गोवा खबर
कलरकॉन आशिया आणि Health-Association Goa च्या आरोग्य एक्सप्रेसतर्फे मोबाइल व्हॅन तर्फे बार्से, केपे येथील किसकोंड येथे मोफत आरोग्य तपासणी शिबिर संपन्न
गोवा खबर:कलरकॉन आशिया प्रायव्हेट लिमिटेड (वेर्णा) यांच्या ‘सीएसआर’ (CSR) उपक्रमांतर्गत आणि Health-Association Goa च्या ‘आरोग्य एक्सप्रेस’ काणकोण मोबाइल व्हॅन यांच्या सहकार्याने आज सोमवार, २९ डिसेंबर २०२५ रोजी क्विसकोंड येथे भव्य आरोग्य तपासणी आणि जनजागृती शिबिर आयोजित करण्यात आले होते.
या शिबिराचा परिसरातील एकूण ३९ रुग्णांनी लाभ घेतला. यामध्ये प्रामुख्याने स्नायूंचे विकार (MS), श्वसनविकार (RTI) आणि पोटाच्या तक्रारी असलेल्या रुग्णांची संख्या अधिक होती.
आरोग्य तपासणीचा तपशील:
शिबिरात आलेल्या रुग्णांची सखोल तपासणी करून त्यांना आवश्यक तो वैद्यकीय सल्ला देण्यात आला. तपासणीचे वर्गीकरण खालीलप्रमाणे आहे:
* स्नायूंचे विकार (MS): १३ रुग्ण
* श्वसनविकार (RTI): ११ रुग्ण
* पोटाचे विकार (GD): ०९ रुग्ण
* रक्तदाब तपासणी (BP Monitoring): ०२ रुग्ण
* त्वचारोग (Skin): ०२ रुग्ण
औषध सुरक्षा आणि संसर्ग प्रतिबंधावर मार्गदर्शन
केवळ तपासणीच नव्हे, तर रुग्णांना आरोग्याप्रति जागरूक करण्यासाठी एक विशेष सत्र आयोजित करण्यात आले होते. ‘औषधांची सुरक्षा’ (Medication Safety) आणि ‘संसर्ग प्रतिबंध व नियंत्रण’ (Infection Control Prevention) या विषयांवर उपस्थित ३९ लाभार्थ्यांना सविस्तर मार्गदर्शन करण्यात आले. औषधे वेळेवर घेणे आणि स्वच्छतेच्या सवयी पाळून आजारांपासून कसे दूर राहावे, याचे महत्त्व यावेळी पटवून देण्यात आले.
ग्रामीण भागातील नागरिकांना त्यांच्या दारात आरोग्य सुविधा उपलब्ध करून देण्याच्या या उपक्रमाबद्दल स्थानिक नागरिकांनी समाधान व्यक्त केले आहे.