‘वंदे मातरम्’ लोकांना प्रेरणा देते : मुख्यमंत्री

‘वंदे मातरम्‘ या गाण्याच्या वर्षभराच्या स्मरणोत्सवाचे उद्घाटन

गोवा खबर : मुख्यमंत्री डॉ. प्रमोद सावंत यांनी प्रसिद्ध बंगाली लेखक बंकिमचंद्र चॅटर्जी यांनी लिहिलेल्या ‘वंदे मातरम्’ या देशभक्तीपर गीतापासून प्रेरणा घेण्याचे लोकांना आवाहन केले. भारताच्या राष्ट्रीय गीताचा दर्जा मिळालेल्या ‘वंदे मातरम्’ या गीताच्या १५० व्या वर्षभराच्या स्मरणोत्सवाच्या उद्घाटनप्रसंगी आज कला अकादमी येथे आयोजित कार्यक्रमात मुख्यमंत्री बोलत होते.

या गाण्याची प्रत्येक ओळ आपल्या भारतमातेची स्तुती करते आणि हे गाणे आजही आपल्याला भारताला एकत्र आणण्यासाठी प्रेरित करते, जो भारत एवढा वैविध्यपूर्ण आहे. आपल्या स्वातंत्र्यसैनिकांनी ‘वंदे मातरम’ मधून प्रेरणा घेतली आणि देशासाठी आपले प्राण दिले. मी तरुणांना आवाहन करतो की त्यांनी या गाण्यापासून प्रेरणा घ्यावी आणि ज्या देशाने आपल्या स्वातंत्र्यासाठी लढा दिला त्याच्यासाठी जगावे. भारताच्या प्रगतीसाठी तसेच २०४७ च्या विकसित भारताच्या स्वप्नासाठी जगा. तरुणांसाठी अनेक संधी आहेत. राष्ट्राच्या स्वप्नांद्वारे तुमची स्वप्ने पूर्ण करा आणि राष्ट्रनिर्माते बना असे डॉ. सावंत यांनी तरुणांना आवाहन केले.

मुख्य सचिव, डॉ. व्ही. कांदावेलू, आयएएस, कला आणि संस्कृती सचिव संतोष सुखदेवे, आयएएस, उत्तर गोवा जिल्हाधिकारी अंकित यादव, आयएएस, कला आणि संस्कृती संचालनालयाचे संचालक विवेक नाईक, सरकारी अधिकारी आणि इतर यावेळी उपस्थित होते.

पुढे बोलताना डॉ. सावंत यांनी आज पेडणेपासून काणकोणपर्यंत सर्वांनी ‘वंदे मातरम’ हे गाणे गायले आहे, हे गाणे आपल्या देशाच्या हृदयाचे ठोके बनले आहे आणि भारताच्या स्वातंत्र्य चळवळीतील स्वातंत्र्यसैनिकांना प्रेरणा देणारे आहे ज्यांनी देशासाठी आपले प्राणही अर्पण केले आहेत असे सांगितले.

डॉ. सावंत यांनी गोव्यात शिक्षण कसे विशेषीकृत झाले आहे आणि ते राज्याच्या विकासात कसे भर घालत आहे याचे वर्णन केले. पुढील काही दशके महत्त्वाची आहेत आणि त्यात तरुणांची मोठी भूमिका आहे असे सांगितले.

सुरवातीस सर्वांनी एकत्रितपणे ‘वंदे मातरम्’ हे गीत गायले. कला अकादमीच्या कर्मचाऱ्यांनी देशभक्तीपर वाद्य गीते सादर केली. कला आणि संस्कृती सचिव संतोष सुखदेवे, आयएएस यांनी उपस्थितांचे स्वागत केले आणि ‘वंदे मातरम’ हे गीत देशाच्या स्वातंत्र्यलढ्यातील लाखो भारतीयांचे एक युद्धगीत होते आणि १५० व्या वर्धापन दिनाचा स्मरणोत्सव वर्षभर सुरू राहील असे सांगितले.

या प्रसंगी, बंकिमचंद्र चॅटर्जी यांच्या आनंदमठ’ या कादंबरीचे प्रकाशन मान्यवरांच्या हस्ते करण्यात आले. ज्यामध्ये ‘वंदे मातरम्’ हे गाणे समाविष्ट होते. तद्नंतर नवी दिल्लीहून प्रधानमंत्री नरेंद्र मोदी यांचे थेट भाषण उपस्थितांना दाखविण्यात आले.