गोवा खबर : मांडवी तिरावर ऑगस्ट महिन्यात भरलेल्या अष्टमी फेरीमुळे पणजी महानगरपालिकेच्या तिजोरीत या वर्षी तब्बल १ कोटी १० लाख रुपयांचा महसूल जमा झाला — असा आकडा पालिकेकडून जाहीर केला आहे. या प्रकारची इतकी मोठी कमाई याआधी नोंदलेली नव्हती.
दरवर्षी साधारण ९० ते ९५ लाख रुपयांच्या आसपास महसूल येत असतो; परंतु यंदा फेरीत ४०० हून अधिक स्टॉल्स उपलब्ध झाल्यामुळे आणि स्टॉल शुल्काच्या दरात वाढ केल्यामुळे महसूलात मोठी वाढ झाली. गोकुळाष्टमीपासून गणेश चतुर्थीपर्यंत साधारण दहा दिवस चालणाऱ्या फेरीत यंदा १६ ते २७ ऑगस्टपर्यंत प्रमुख कार्यक्रम भरले गेले. मात्र, काही स्टॉल्स २७ ऑगस्टनंतरही सुरूच राहिल्यामुळे पालिकेला त्या संदर्भात कारवाई करावी लागली; स्टॉलधारकांनी ‘‘शेवटची तारीख न कळल्याने’’ असे कारण मांडले.
याशिवाय २५-२७ ऑगस्ट दरम्यान भरलेल्या माटोळी बाजारातूनही जवळपास १ लाख रुपयांचा महसूल प्राप्त झाला. माटोळी बाजारात ७५ पेक्षा जास्त विक्रेते सहभागी झाले होते. पालिकेचे अधिकारी म्हणतात की आगामी काळात फेरीचे नियोजन आणि शेवटच्या तारखांची स्पष्ट घोषणा करुन अशा गैरसमजांना प्रतिबंध करण्यात येईल.
