गोवा खबर

गोव्यातील स्थानिक विद्यार्थी केंद्र शासनात हवेच : सत्यवान रेडकर

Published

7 months ago

August 29, 2025

Spread the love

गोवा खबर : पेडणे तालुक्यात शहीद रामसिंह मेमोरियल शासकीय शाळेत विद्यार्थ्यांसाठी निःशुल्क शासकीय स्पर्धा परीक्षा मार्गदर्शन व्याख्यानाचे आयोजन करण्यात आले होते. या व्याख्यानाच्या माध्यमातून गोवा राज्यातील जास्तीत जास्त विद्यार्थी प्रशासकीय सेवेत दाखल व्हावेत यासाठी विद्यार्थ्यांना शालेय स्तरापासून स्पर्धा परीक्षांचे बाळकडू मिळाले तर त्यांना भविष्यात अनेक स्पर्धा परीक्षा उत्तीर्ण करणे शक्य होईल असा आत्मविश्वास या व्याख्यानाचे प्रमुख मार्गदर्शक व वक्ता, सत्यवान यशवंत रेडकर यांनी व्यक्त केला.

सत्यवान यशवंत रेडकर हे उच्चविद्याविभूषित, केंद्र शासनाचे अधिकारी असून त्यांच्या तिमिरातूनी तेजाकडे या शैक्षणिक चळवळीच्या माध्यमातून ते विद्यार्थ्यांना निःशुल्क शासकीय स्पर्धा परीक्षा मार्गदर्शन व्याख्यान देत असतात. व्याख्यानात त्यांनी उपस्थितांना सर्व स्पर्धा परीक्षा संदर्भात इत्यंभूत माहिती देऊन गोव्यातील स्थानिक विद्यार्थी भविष्यात केंद्र शासनाच्या विविध पदांवर नक्कीच दिसणार असे प्रतिपादन केले. एनसीसी विंग मार्फत कार्यक्रमाचे आयोजन करण्यात आले होते. यावेळेस शिक्षक, स्थानिक विद्यार्थी सुद्धा उपस्थित होते.