माजी उप-संरक्षण प्रमुख याची कारगिल दिनी ‘सैनिक तुजे सलाम’ला उपस्थिती

गोवा खबर : एअर मार्शल संदेश वागळे पीव्हीएसएम व्हीएम (निवृत्त) यांनी २६ जुलै रोजी पणजी येथील आझाद मैदान शहीद स्मारक येथे एक्स एनसीसी कॅडेट्स असोसिएशन-गोवा द्वारे आयोजित कारगिल विजय दिवस समारंभ ‘सैनिक तुजे सलाम’ला उपस्थिती लावली.

याप्रसंगी बोलताना एअर मार्शल वागळे म्हणाले की सशस्त्र दलात सामील होणे हे केवळ करिअर नाही. ते उच्च दर्जाच्या गोष्टीसाठी वचनबद्धता आहे. एक सैनिक पैशासाठी किंवा टाळ्यासाठी लढत नाही. एक सैनिक लढतो कारण एखाद्याला देशाच्या सीमेवर उभे राहून म्हणायचे असते की ‘माझ्यापुढे पाय करुन काहीही जात नाही’. हे सोपे नाही, ते आकर्षक नाही. परंतु ते योग्य आहे, असे ते म्हणाले.

एअर मार्शल वागळे हे संरक्षण दलाचे उप-प्रमुख होते आणि त्यांनी संरक्षण दलाचे प्रमुख जनरल बिपिन रावत आणि सध्याचे सीडीएस जनरल अनिल चौहान यांचे उप-प्रमुख म्हणून काम केले आहे.

एअर मार्शल वागळे म्हणाले, आज भारताचे सशस्त्र दल क्षमता, ताकद, उद्देश, बंधुता, शिस्त आणि अभिमान देते. तुम्ही या मातृभूमीचे, तुमच्या लोकांचे, तुमच्या ध्वजाचे, तुमच्या प्रतिष्ठेचे आणि तुमच्या सार्वभौमत्वाचे रक्षण केले याचा अभिमान त्या ना असतो.

त्यांनी कारगिल युद्धादरम्यान जिवंत आणि मरणोत्तर परमवीर चक्र प्राप्त करणाऱ्या चार सैनिकांबद्दलही सांगितले. कॅप्टन विक्रम बत्रा यांच्याबद्दल बोलताना त्यांना इतिहासातील ‘गढ आला पण सिंह गेला’ हे वाक्य आठवले.

त्यांनी भारतीय हवाई दलाने ऑपरेशन सफेद सागरमध्ये आकाश कसे जिंकले याचाही उल्लेख केला. आयएएफ वैमानिकांनी सार्वभौम भारतीय भूभागावर राहून शत्रू नियंत्रित क्षेत्रात खोलवर उड्डाण केले असे त्यांनी सांगितले.

खासदार लोकसभा, कॅप्टन विरियाटो फर्नांडिस यांनी कारगिल युद्धादरम्यान ऑपरेशन तलवारमध्ये नौदलाची भूमिका आणि कारवाई दरम्यानचे त्यांचे अनुभव सांगितले.

ब्रिगेडियर. किरण कुमार ठाकर (निवृत्त) यांनी हे युद्ध जिंकणे आपल्या सैनिकांसाठी किती कठीण होते याबद्दल भाष्य केले परंतु ते म्हणाले की सर्व अडचणी असूनही, शूर भारतीय सैनिकांनी सर्व बिंदू जिंकले आणि युद्ध जिंकले परंतु आपण आपल्या काही उत्कृष्ट सैनिकांना गमावले.

कर्नल बाळकृष्ण शिरोडकर (निवृत्त) आणि बॉस्को जॉर्ज, आयपीएस डीआयजी (निवृत्त) आणि जॉन आगियार यांनीही उपस्थितांना संबोधित केले. ब्रिगेडियर अनिल परेरा, एसएम (निवृत्त) या प्रसंगी उपस्थित होते.

माजी एनसीसी कॅडेट्स असोसिएशन-गोवाचे अध्यक्ष प्रदिप सावंत यांनी उपस्थितांचे स्वागत केले तर सचिव सुनील शेट यांनी आभार मानले. अ‍ॅड. इशान उसपकर यांनी कार्यक्रमाचे सूत्रसंचलन केले.

यापूर्वी पुष्पहार अर्पण समारंभ आयोजित करण्यात आला होता जिथे माजी सैनिक आणि मान्यवरांनी शहीद स्तंभावर पुष्पहार अर्पण केला. गायिका भक्ती देविदास आणि संगीतकार रॉय मेनेझेस यांनी या प्रसंगी शहीदांना संगीतमय श्रद्धांजली वाहिली.

१ गोवा बटालियनच्या कॅडेट्सनी शहीदांना सलामी शास्त्र आणि शोक शास्त्र (उलटे शस्त्रे) सादर केले. जीएचआरडीसी सुरक्षा कर्मचाऱ्यांनी मान्यवरांना पुष्पहार अर्पण करताना मार्गदर्शन केले. नागरी संरक्षण स्वयंसेवक देखील या कार्यक्रमाला उपस्थित होते.